काठमाडौं । मंगलबारको शेयर बजारमा सामान्य करेक्सन देखिएको छ । छोटो समयमै बढेको बजारमा नाफा बुक गर्नेहरुको हावी हुँदा त्यसको प्रभाव नेप्सेमा देखिएको हो । मंगलबारको नेप्से परिसूचक ७.४८ प्रतिशतले घटेर १२६३.३८ अंकमा पुगेको छ । जुन अघिल्लो दिनको तुलनामा ०.५९ प्रतिशतले घटेकाे हो ।

बजारमा परिसूचकसँगै शेयर कारोबार रकममा पनि गिरावट देखिएको छ । सोमबारको तुलनामा मंगलबारको बजारमा कारोबार रकम ७० करोडले घटेको छ । मंगलबारको बजारमा कूल १८३ कम्पनीको एक अर्ब २ करोड रुपैयाँ बराबरको शेयर कारोबार भएको छ । जसमध्ये प्रभु बैंकको सबैभन्दा बढी अर्थात ११ करोड ४३ लाख रुपैयाँ बराबरको प्रमोटर शेयर किनबेच भएको छ । त्यस्तै, नागरिक लगानी कोषको ७ करोड २२ लाख रुपैयाँ बराबरको शेयर कारोबार भएको छ ।

रैराङ्ग हाइड्रोपावर डेभलपमेन्ट कम्पनी र साल्ट ट्रेडिङ कर्पोरेशनका लगानीकर्ताले १० प्रतिशत कमाएका छन् । त्यस्तै, मञ्जुश्री फाइनान्सको शेयर मूल्य ९ प्रतिशतले बढेर प्रतिकित्ता १६९ रुपैयाँमा कारोबार भएको छ ।

सोमबार उकालो लागेका जीवन बीमा, निर्जीवन बीमा र हाइड्रोपावर तीन वटै समूह मंगलबार ओरालो लागेका छन् । यी तीन समूह क्रमशः ५१, ४८ र ११ अंकले घटेका छन् । मंगलबार ट्रेडिङ् समूह सबैभन्दा बढी अर्थात ६५ प्रतिशतले बढेको छ ।

साथै, पुस मसान्तलाई रकम जोहो गर्ने क्रममा लगानीकर्ताले शेयर बेच्दा मंगलबारकाे बजारमा करेक्सन देखिएको हो ।

सम्बन्धित शिषर्कहरु

कार्वन व्यापारलाई थप प्रभावकारी बनाउनु पर्ने

४ महिनामा १० प्रतिशत मात्रै विकास खर्च, राजस्व सङ्कलन २२.३६ प्रतिशत

१० अर्ब लगानीमा पब्लिक कम्पनी स्थापना गरेका छौँ, मालिक बन्ने सुनौलो अवसर हो

आइतबारदेखि निर्वाचन आचारसंहिता लागू, बैंकका कर्मचारीले पनि पालना गर्नुपर्ने

निष्कृय खाताको रकम बैंकिङ विकास कोषमा जम्मा गर्दै एनआईएमबी

एनएमबि बैंकले ५ जिल्लामा १४ ठाउँको घरजग्गा बेच्दै