काठमाडौं । शेयर बजार पुनः करेक्सनतर्फ लागेको छ । गत साता निरन्तर उकालो लागेर ११७२ अंकमा पुगेको परिसूचक आइतबार सामान्य अंकले ओरालो लागेको छ । साताको पहिलो दिन उतारचढाव देखिएको बजार अन्तमा ४.७८ अंकले घटेर ११६७.८६ अंकमा अडिएको छ । जुन पछिल्लो दिनको तुलनामा ०.४१ प्रतिशत कम हो ।

परिसूचकमा जस्तै कारोबार रकममा पनि गिरावट देखिएको छ । आइतबार कूल १७२ कम्पनीको ६८ करोड ६० लाख रुपैयाँ बराबरको शेयर कारोबार भएको छ । जुन अघिल्लो दिनको तुलनामा ८ करोड रुपैयाँ घटी हो । अघिल्लो दिन कूल ७६ करोड ४० लाख रुपैयाँ बराबरको शेयर किनेबेच भएको थियो ।

आइतबार एनएमबि बैंकको सबैभन्दा बढी अर्थात ६ करोड ३७ लाख रुपैयाँ बराबरको शेयर किनबेच भएको छ । त्यस्तै, नेपाल बैंकको ४ करोड ५४ लाखको साधारण शेयर र स्वावलम्बन लघुवित्त वित्तीय संस्थाको ३ करोड ८५ लाख रुपैयाँको संस्थापक शेयर कारोबार भएको छ ।

बजारमा तीन समूह बाहेक बाँकी समूह ओरालो लागेका छन् । जीवन बीमा समूह सबैभन्दा बढी १५१ अंकले घटेको छ । ट्रेडिङ १५, बैंकिङ २.८२ र अन्य समूह २.२९ अंकले उकालो लागेका छन् भने बाँकी समूह ओरालो लागेका छन् ।

सम्बन्धित शिषर्कहरु

कार्वन व्यापारलाई थप प्रभावकारी बनाउनु पर्ने

४ महिनामा १० प्रतिशत मात्रै विकास खर्च, राजस्व सङ्कलन २२.३६ प्रतिशत

१० अर्ब लगानीमा पब्लिक कम्पनी स्थापना गरेका छौँ, मालिक बन्ने सुनौलो अवसर हो

आइतबारदेखि निर्वाचन आचारसंहिता लागू, बैंकका कर्मचारीले पनि पालना गर्नुपर्ने

निष्कृय खाताको रकम बैंकिङ विकास कोषमा जम्मा गर्दै एनआईएमबी

एनएमबि बैंकले ५ जिल्लामा १४ ठाउँको घरजग्गा बेच्दै