काठमाडौं । बिहीबार सेयर बजार कारोबार मापक नेप्से परिसचूक १३०० अंकभन्दा तल झरेको छ । बुधबारको तुलनामा बिहीबारको परिसूचक १५.९५ अंकले ओरालो लागेर १२९७ अंकमा झरेको छ । जुन १.२१ प्रतिशत घटी हो ।

परिसूचकसँगै कारोबार रकम पनि घटेको छ । बिहीबार कूल एक अर्ब ३८ करोडको सेयर कारोबार भएको छ । जुन अघिल्लो दिनको तुलनामा करिब २० करोड रुपैयाँ कम हो । अघिल्लो दिन बुधबारको बजारमा एक अर्ब ५८ करोड रुपैयाँ बराबरको सेयर किनबेच भएको थियो ।

बिहीबार कूल १७२ कम्पनीको सेयर कारोबार भएको छ । जसमध्ये नेपाल लाईफ इन्स्योरेन्स कम्पनीको सबैभन्दा बढी अर्थात १८ करोड रुपैयाँ बराबरको सेयर किनबेच भएको छ । त्यस्तै, ग्लोबल आईएमई बैंकको १५ करोड ५२ लाख रुपैयाँ बराबरको सेयर कारोबार भएको छ ।

सो दिन जीवन बीमा र अन्य समूह बाहेक बाँकी समूह राताम्मे देखिएका छन् । जीवन बीमा र अन्य समूह क्रमशः ४०.८८ र १.७२ अंकले उकालो लागेका छन् । ओरालो लागेकामध्ये सबैभन्दा बढी निर्जीवन बीमा समूह ६६ अंकले घटेको छ ।

बजारमा सिनर्जी पावरका लगानीकर्ताले सबैभन्दा बढी अर्थात ९.४७ प्रतिशत कमाएका छन् । उता सिद्धार्थ इक्विटी फण्डको मूल्य ६.९६ प्रतिशतले घटेको छ ।

सम्बन्धित शिषर्कहरु

रेकर्ड मूल्यमा अमेरिकी डलर स्थिर, यूरोसहित अधिकांश देशको मुद्राको भाउ घट्यो

कोशी र गण्डकीमा वर्षाको सम्भावना, यस्तो रहनेछ आगामी २४ घण्टामा मौसम

स्थानीय तह उपनिर्वाचनका लागि आज मनोनयन, आजै उम्मेदवारको सूची प्रकाशन हुने

चैनपुर सेतीसहित १४ वटा आयोजनाको विद्युत् अनुमतिपत्र जारी

कार्वन व्यापारलाई थप प्रभावकारी बनाउनु पर्ने

४ महिनामा १० प्रतिशत मात्रै विकास खर्च, राजस्व सङ्कलन २२.३६ प्रतिशत