काठमाडौं । दशैंको सुरूवातसँगै सेयर बजार दोहोरो अंकले बढेको छ । गत सातादेखि निरन्तर रूपमा ओरालो लागेको नेप्से परिसूचक सोमबार एकाएक १०.४२ अंकले बढेर ११३५ अंकमा पुगेको छ । जुन अघिल्लो दिनको तुलनामा ०.९३ प्रतिशत बढी हो ।

लामोसमय पछि दोहोरो अंकले बढेको साेमबारकाे बजारमा १६ करोड ८८ लाख रुपैयाँ बराबरको सेयर कारोबार भएको छ । जसमध्ये सोमबार मात्रै कारोबारमा आएका तीन वाणिज्य बैंकको करोडौंको सेयर किनबेच भएको छ । सबैभन्दा बढी सनराइज बैंकको सेयर किनबेच भएको छ । बैंकको एकैदिन २ करोड १३ लाख रुपैयाँ बराबरको सेयर कारोबार भएको छ । त्यस्तै, प्रभु बैंकको एक करोड ३१ लाख र नेपाल बैंकको एक करोड १८ लाख रुपैयाँ बराबरको सेयर किनबेच भएको छ ।

त्यस्तै, बजारमा कारोबारमा आएका ११ समूहमध्ये अन्य समूह बाहेक बाँकी समूह हरिया देखिएका छन् । सबैभन्दा बढी जीवन बीमा समूह ७१ अंकले बढेको छ । त्यस्तै, निर्जीवन बीमा ६६, होटल ४९, उत्पादनमूलक ३८ र हाइड्रोपावर २० अंकले उकालो लागेको छ । राताम्मे भएको अन्य समूह भने ६.८२ अंकले ओरालो लागेको छ ।

सोमबार विभिन्न ४ वटा संस्थाको सेयर मूल्य ५ प्रतिशतले बढेको छ । यूनियन हाइड्रो, साञ्जेन जलविद्युत, तिनाउ मिसन डेभलपमेन्ट बैंक र यूनाइटेड फाइनान्सको सेयर मूल्य ५ प्रतिशत बढीले बढेको हो ।

सबैभन्दा बढी माउन्टेन हाइड्रो नेपालको सेयर मूल्य ३.७० प्रतिशतले घटेको छ ।

पछिल्लो समय बजारमा उतारचढाव त भइरहेको छ । यसका साथै, गत सोमबादेखि भने सेयर बजार निरन्तर रुपमा घटिरहेको थियो । गत साताको सोमबार नेप्से परिसूचक ११४० अंकमा रहेको थियो । त्यसपछि लगातार घटेर यस साताको आइतबार अर्थात हिजो ११२५ अंकमा झरेको थियो । तर सोमबारको सेयर बजार भने एकाएक दोहोरो अंकले बढेको छ ।

सम्बन्धित शिषर्कहरु

कर्मचारीको काम सन्तोषजनक भएन, ऋण तिर्न राजश्वको दायरा बढाउनुहोस्

सबैभन्दा बढी कर तिर्ने बैंक बन्यो नबिल, आठौं पटक सम्मानित

करको दायरा विस्तार गरिने

एलआईसी नेपालले मंसिर १२ गतेदेखि हकप्रद सेयर बिक्री गर्ने, यसरी दिन सकिन्छ आवेदन

शाहको क्रिकेट प्रेम : अष्ट्रेलियाको क्लबदेखि सुदूरपश्चिम रोयल्ससम्म

कोशी र गण्डकीमा वर्षाको सम्भावना, यस्तो छ आजको मौसम