काठमाडौं । हिमालयन बैंकको आगामी माघ १३ गतेदेखि माघ २९ गतेसम्म बुक क्लोज हुने भएको छ । बैंकले साधारणसभामा जाने प्रयोजनको लागि १७ दिनसम्म बुक क्लोज गर्न लागेको हो ।

बैंकको आगामी वार्षिक साधारणसभा माघ २९ गते बुधबार हुँदै छ । उक्त सभा सो दिन बिहान ११ बजे काठमाडौंको भद्रकाली स्थित त्रिभुवन आर्मि अफिसर्स क्लबमा बस्दै छ ।

सभामा बैंकले सञ्चालक समितिको सेयरधनीलाई १० प्रतिशत बोनस सेयर दिने विशेष प्रस्तावलाई लैजाँदै छ । साथै, बैंकले गत आर्थिक वर्षको नाफाबाट सेयरधनीलाई चुक्ता पुँजीको १२ प्रतिशत (कर सहित) नगद लाभांश दिने प्रस्ताव गरेको छ । उक्त प्रस्तावलाई आगामी साधारणसभाले अनुमोदन गरेपछि मात्र सेयरधनीले सो मात्राको लाभांश पाउने छन् ।

साथै, बैंकले संस्थापक सेयरधनीहरुको तर्फबाट ५ जना सञ्चालकहरुको निर्वाचन गर्ने प्रस्ताव गरेको छ ।

हाल बैंकको चुक्ता पुँजी ८ अर्ब ५२ करोड रुपैयाँ रहेको छ । १० प्रतिशत बोनस पछि बैंकको चुक्ता पुँजी ९ अर्ब ३७ करोड रुपैयाँ नाघ्ने छ ।

सम्बन्धित शिषर्कहरु

कार्वन व्यापारलाई थप प्रभावकारी बनाउनु पर्ने

४ महिनामा १० प्रतिशत मात्रै विकास खर्च, राजस्व सङ्कलन २२.३६ प्रतिशत

१० अर्ब लगानीमा पब्लिक कम्पनी स्थापना गरेका छौँ, मालिक बन्ने सुनौलो अवसर हो

आइतबारदेखि निर्वाचन आचारसंहिता लागू, बैंकका कर्मचारीले पनि पालना गर्नुपर्ने

निष्कृय खाताको रकम बैंकिङ विकास कोषमा जम्मा गर्दै एनआईएमबी

एनएमबि बैंकले ५ जिल्लामा १४ ठाउँको घरजग्गा बेच्दै