हुन्डाईद्धारा दशैँ तिहार ‘गेट सेट गो’ अफरको विजेतालाई पुरस्कार हस्तान्तरण
२०७३ भदौ ३० गते १०:५२ विकासन्युज
काठमाडौं, ३० भदौ । नेपालका लागि हुन्डाई गाडीको आधिकारिक वितरक लक्ष्मी इन्टरकन्टिनेन्टलले दशैं, तिहार ‘‘गेट सेट गो’’ अफरको विजेताहरुलाई पुरस्कार वितरण गरेको छ । कम्पनीले बिहीबार तिनकुने स्थित हुन्डाईको शोरुममा एक कार्यक्रम बीच विजेतालाई पुरस्कार वितरण गरेको हो ।
दशैं तिहारको अफर अन्तर्गत हरेक नँया हुन्डाई गाडीको खरिदमा ग्राहकले ६ लाखसम्मको नगद छुट, एक वर्षको बिमा, ५६ जनाका लागि सामसुङ ग्यालेक्सी एससिक्स इडज स्मार्टफोन र बम्परमा उपहारमा हुन्डाई क्रेटा जित्ने अवसर पाएका थिए ।
‘सेट’ अफर अन्तर्गत ५६ जना भाग्यशाली ग्राहकहरुले सामसुङ ग्यालेक्सी एससिक्स इडज जित्ने अवसर पाएका थिए । सो अफरका विजेताको घोषणा हुन्डाईको थापाथली र भाटभटेनी स्थित शोरुममा आएका ग्राहकको हातबाट सो कार्यक्रम सम्पन्न गरिएको थियो । सामसुङ ग्यालेक्सी एससिक्स इडज स्माटफोनहरु विजेताहरुलाई वितरण गरिसकेको छ ।
कार्यक्रममा लक्ष्मी ग्रुपका अध्यक्ष गणेशबहादुर श्रेष्ठ र नेपाली राष्ट्रिय फुटबल टिमका कप्तान अनिल गुरुङले बम्पर उपहार विजेतालाई हस्तान्तरण गरेका छन् । ‘गो’ अफर अन्तर्गतको वम्पर उपहार बुटवलकी सुमी श्रेष्ठलाई प्रदान गरिएको कम्पनीले जनाएको छ ।
सम्बन्धित शिषर्कहरु
Copyright © 2024 Bikash Media Pvt. Ltd.