काठमाडौं २०, असोज । पाँचतारे होटल सांग्रीलाले दसैं भोज नामक प्याकेज सार्वजनिक गरेको छ । होटलले आगामी आइतबारदेखि बुधबारसम्मको चार दिने प्याकेज सार्वजनिक गरको हो ।

होटलले चार दिन सम्म दसैं भोज नामक प्याकेज सार्वजनिक गरेको होटलकी सहायक विक्री प्रवन्धक बविता पाण्डेले जानकारी दिएकी छन् । उनका अनुसार होटलले दसैंका अष्टमीदेखि एकादशीसम्मको लागि विशेष मेनु सार्वजनिक गरेको छ ।

यस्तो मेनुमा ग्राहकले रोजेर खाना तथा खाजा खान पाउने छन् । पाँचतारे होटलमा सर्वसाधारणको पनि सहज पहुँच पुग्ने गरी होटलले नयाँ मेनुसहितको प्याकेज ल्याएको छ ।

होटलका अनुसार सुरुवाती मेनुमा खसीको रक्ती, कलेजो, फोक्सो साधेको ६ सय रुपैयाँमा, चिउरा र समै वजी पाँच सय रुपैयाँमा, कालो भटमास साधेको चार सय पचास, आलुको अचार कालो तिल हालेको चार सय पचास, कुखुराको सेकुवा पाँच सय र खसीको छोयला ६ सय रुपैयाँमा सेवा दिने भएको छ ।

सुपमा च्याउनेको झोल तीन सय, खशीको खुट्टाको रस तीन सय ५० रहेको छ । मेन कोर्समा थाई भेज ११ सय र ननभेज १४ सय रुपैयाँ तोकिएको होटलले जानकारी दिएको छ ।

डेजर्टको पनि तीन सय र चार सय ५० को गरी दुई थरी सेवा रहेको छ । होटलका कार्यकारी सेफ महेश राज ढकालका अनुसार स्वादिलो र हाइजेनिक खाना एफोर्टवल प्राइमा सेवा दिएको छ ।

गत वर्ष पनि आउने यस्तो प्योकजमा यो वर्ष भने ग्राहकले छानेर र मन परेको मेनु रोज्न पाउने गरी हरेकमा शुल्कसहित सार्वजनिक गरेको हो । होटलले हरेक वर्ष दसैंका लागि दसैं भोज नामक मेनु सार्वजनिक गर्ने गरेको छ ।

सम्बन्धित शिषर्कहरु

जब मालिक खुसी भएपछि दिए १ करोड ६० लाख रुपैयाँ पर्ने रोलेक्स घडी

शिक्षाविद् शर्माको निधन, छोरा क्यानडा भएकोले शनिबार मात्रै अन्त्यष्टि गरिने

भाइमसलाको मूल्य करिब ३० प्रतिशतले वृद्धि, व्यापार डाउन भएको व्यवसायीको भनाइ

भारतीय प्रख्यात अर्थशास्त्री देवरोयको निधन, महाभारत, रामायण र चारवटै वेद गरेका थिए अंग्रेजीमा अनुवाद

‘पठाओ पोइन्ट्स’ सुरु र नेपालभर रियल टाइम ‘पठाओ पार्सल’ डेलिभरी सेवा

भक्तपुरका नेवार समुदायको आज म्हः पूजा, भोलि भाइटीका मनाउने