काठमाडौं। डर्ट बाइक रेस प्रतियोगिता ‘मोटो ट्रयाक २०७४’ मा प्रशान्त जङ्ग कार्कीले बाजी मारेका छन् । ललितपुरको सुनाकोठी स्थित मोटो ट्रयाकमा शनिबार सो रेस प्रतियोगिता सम्पन्न भएको थियो ।

विनोद कठायत र भीम होना क्रमशः फस्र्ट रनर अप र सेकेन्ड रनर अप भएका छन् । प्रोपर सेफ्टी गियरको उपाधि आशीष कुमार शाक्य र प्रवीण जङ्ग कार्कीले, पब्लिक च्वाइसको उपाधि दोर्जे छेवाङले र बेस्ट राइडरको उपाधि दीपेश क्षेत्रीले जितेका छन् ।

मोटर स्पोर्ट्स नेपाल र सुनाकोठी युथ एशोसिएशनको आयोजनामा सम्पन्न सो प्रतियोगिताको उद्घाटन प्रदेश सभा सदस्य राजकाजी महर्जनले गरेका थिए । १५० देखि २५० सिसीसम्मका डर्ट बाइकको रेस भएको थियो ।

ब्यक्तिगत रुपमा प्रतिस्पर्धा भएको प्रतियोगितामा क्रसफायर, क्रस एक्स, होन्डा, रिजु, यूएम, एसियन बिस्ट र बीएसई लगायतका नेपालमा भएका सबै डर्ट बाइक कम्पनीहरुको सहभागिता रहेको थियो । आयेजनका अनुसाार प्रतियोगिताका लागि ६ सय मिटर लामो ट्रयाक निर्माण गरिएको थियो ।

मुख्य प्रायोजक एसियन अटोमोबाइल्स रहेको प्रतियोगिताको विजेताहरुलाई नगद पुरस्कारका साथै पदक, ट्रफी र प्रमाणपत्र प्रदान गरिएको गियर ग्याजेट्स नेपालका इभेन्ट म्यानेजर विनोद तण्डुकारले जानकारी दिए ।

सम्बन्धित शिषर्कहरु

बजारमा अत्यधिक तरलता भएपछि ७० अर्ब तान्दै राष्ट्र बैंक

यस्तो छ आजको विदेशी मुद्रा विनिमय दर, कुन देशको कति?

यस्तो छ तरकारी र फलफूलको मूल्य

कैलाश हेलिकप्टरको २० प्रतिशत लाभांश घोषणा, प्रिमियममा आईपीओ जारी गर्ने

फेवातालमा आजदेखि ‘ड्रागन बोट रेस फेस्टिभल’, २० टोली सहभागी हुने

यी ४ प्रदेशका पहाडी तथा हिमाली क्षेत्रमा हिमपात, यस्तो छ आज देशभरको मौसम