जावलाखेलमा यामाहा मिनी मेला, मोटरसाइकल एक्सचेन्जदेखि विभिन्न उपहार याेजना
२०७४ चैत २२ गते १४:१९ विकासन्युज
काठमाडौं । यामाहाको आधिकारिक विक्रेता रिसिक अटोमोबाइल्स प्रालिले नयाँ वर्ष २०७५ को अवसरमा ललितपुरको जावलाखेलमा यामाहा मिनी मेला आयोजना गरेको छ । मेलाको उद्घाटन मिस इन्टरनेशनल २०१७ तथा फेस अफ फेसिनो निती शाहले बुधबार गरेकी हुन् ।
आयोजकको अनुसार मेला बुधबारदेखि चार दिनसम्म चल्ने छ । मेलामा यामाहाका सबै मोडेलका मोटरसाइकल तथा स्कुटरहरु खरिदका लागि उपलब्ध गरिनेछ । साथै ‘एट दी स्पट’ फाइनान्सको व्यवस्था पनि रहेको छ । मेलामा कुनै पनि ब्रान्डको मोटरसाइकल र स्कुटरको एक्सचेन्जमा न्युनतम २५ हजार रुपैयाँ न्युनतम मूल्यांकन तोकिएको छ ।
यामाहा मोटरसाइकल वा स्कुटरको खरिदमा ग्राहकले निःशुल्क हेल्मेट, ब्याग, बाइक कभर, रेनकोट र लेगगार्ड वा फुट म्याट उपलब्ध गराउने रिसिक अटोमोबाइल्सका प्रबन्ध निर्देशक मिलनबाबु मल्लले बताए । ‘हरेक ग्राहकले यामाहाको नयाँ वर्ष स्किम प्राप्त गर्नका साथै थप उपहारको व्यवस्था गरिएको छ,’ उनले भने ।
यामाहा मोटरसाइकल वा स्कुटरको टेस्ट राइड गर्नेलाई समेत आकर्षक उपहारको व्यवस्था गरिएको जनाइएको छ ।
सम्बन्धित शिषर्कहरु
Copyright © 2025 Bikash Media Pvt. Ltd.