स्याङ्योङको नयाँ वर्ष अफर, ४ लाखसम्म नगद छुटदेखि हात खाली नजाने सामसुङको स्मार्टफोन प्रदान
२०७४ चैत २९ गते १८:२२ विकासन्युज
काठमाडौं । स्याङ्योङ मोटर्स नेपालको लागि एकमात्र आधिकारिक बिक्रेता र नेपालको सन्दर्भमा नेतृत्वदायी संस्था आईएमएस् ग्रुप हो । सो ग्रुपले नयाँ वर्ष २०७५ लाई लक्षित गरी ‘नयाँ वर्ष २०७५ अफर’ बजारमा ल्याएको छ । नयाँ वर्ष २०७५ को सन्दर्भमा स्याङ्योङले विशेष अफर ग्राहक सामु ल्याएको जनाएको हाे ।
कम्पनीको अनुसार अफर अन्तरगत नगद रु ४ लाख सम्म छुट र हातखाली नहुने उपहारमा सामसुङ ग्यालेक्सी एस् ९ प्लस र सामसुङ ग्यालेक्सी एस्. ९ राखिएको छ । उक्त स्मार्टफोनहरु स्याङ्योङको विभिन्न मोडलको गाडी खरिदकर्ताहरुले हातखाली नजाने गरी प्राप्त गर्नेछन् ।
यसबाहेक कोरियन लक्जरी आरामदायी एसयुभी गाडी खरीदकर्तालाई स्याङ्योङले विभिन्न किसिमको अफरहरु उपलब्ध गराएको छ । जसमा गाडी जुनसुकै ठाउँमा सट्टापट्टा गर्न सकिने, सरल फाइनान्स सुविधा, एक आअर्थिक वर्षको लागि सडक कर छूट, ३ वर्षे वा ६० हजार किमी वारेन्टी सुविधा, ३ वर्षे फ्रि सर्भिसिङ, हरेक टेस्ट ड्राइभमा आकर्षक गिफ्ट ह्याम्पर लगायत छन् । कम्पनीले उक्त नयाँ वर्ष अफर चैत्र ३० देखि २०७५ बैशाख १७ गतेसम्म लागू गर्ने जानकारी दिएको छ ।
कोरियन गाडी निर्माता कम्पनी स्याङ्योङ आरामदायी गाडी निर्माता कम्पनी एसयुभी ब्राण्ड हो । सो कम्पनी दक्षिण कोरियाको चौथो ठूलो मोटर उत्पादक संस्था रहेको जनाइएको छ । कम्पनीले उच्च गुणस्तरीय इन्जिनियरिङद्वारा उत्पादित आधुनिक, आरामदायी तथा उच्च कार्यक्षमताका साथ सन् १९५४ देखि प्रोडक्टहरु बजारमा उपलब्ध गराएका छन् । स्याङ्योङको विश्व सञ्जालमा १ हजार ६५८ सोरुमहरु १२६ देशहरूमा विस्तारित छ ।
सम्बन्धित शिषर्कहरु
Copyright © 2025 Bikash Media Pvt. Ltd.