काठमाडौं । सिद्धार्थ बैंकद्धारा प्रवद्र्धित सिद्धार्थ फाउन्डेसनले रुरल हेल्थ एण्ड ऐजुकेशन सर्भिस(रेहेष्ट) नामक गैरसरकारी संस्थालाई आर्थिक सहयोग गरेको छ । फाउन्डेसनले पिछडिएका बालिकाहरुको शिक्षाका लागि ८४ हजार ८८५ रुपैयाँ बराबरको आर्थिक सहयोग प्रदान गरेको हो ।

उक्त सहयोग रकम एक समारोहकाबीच बैंकका साहयक प्रमुख कार्यकारी अधिकृत रामेश्वर प्रसाद बस्यालले रेहेष्टका निर्देशक कमला अधिकारीलाई हस्तान्तरण गरेका थिए । सो रकम विभिन्न जिल्लाका पिछडिएका १६ जना छात्रछात्राहरुको अध्ययनका लागि बैंकले रेहेष्टमार्फत् प्रदान गरेको हो ।

उक्त कार्यक्रममा बैंकका साहयक प्रमुख कार्यकारी अधिकृत रामेश्वरप्रसाद बस्यालले आगामी दिनहरुमा पनि यस फाउन्डेसनले यस्तै प्रकारका विभिन्न सामाजिक कार्यहरुमा सहभागिता जनाउँदै जाने जानकारी दिएका छन् ।

बैंकले हाल देशभर ११२ वटा शाखा (३ एक्स्टेन्सन् काउन्टर सहित), ९९ शाखारहित बैंकिङ्ग सेवा, ११६ एटीएम र ८०० भन्दा बढी पीओएस् मेसिनमार्फत् उच्चस्तरिय बैैकिङ्ग सेवा प्रदान गर्दै आएको छ ।

सम्बन्धित शिषर्कहरु

केएनपी नेरोलेकद्वारा सडक सुरक्षामा सहयोग

पशुपतिनाथमा आज धनुर्मास पूजा गरिँदै, तातोपानीले नुहाउने कार्यक्रम

‘ह्यात प्लेस काठमाडौं’ अब ‘ह्यात सेन्ट्रिक सोल्टीमोड काठमाडौं’मा रूपान्तरण

पन्ध्र सयले घट्यो सुनको मूल्य

आजदेखि नयाँ वर्ष सन् २०२५ सुरु, विदेशी पर्यटकीय क्षेत्रमा भीडभाड

आज सोमबारे औँसी, बिहानै नबोली स्नान गरिँदै