२०७५ असोज ५ गते ८:४४ विकासन्युज
काठमाडौं । महालक्ष्मी विकास बैंकको १७ औं वार्षिक साधारणसभा असोज २६ गते हुने भएको छ । सभाले गत आर्थिक वर्षमा गरेको नाफाबाट सेयरधनीलाई १५ प्रतिशत लाभांश दिने प्रस्ताव पारित गर्ने छ ।
गत आर्थिक वर्षमा गरेको नाफाबाट बैंकले चुत्तापुँजीको ७ प्रतिशत अर्थात १८ करोड ४३ लाख रुपैयाँ नगद लाभांश दिने प्रस्ताव सभाले पारित गर्ने छ । यस्तै ८ प्रतिशत अर्थात २१ करोड ७ लाख रुपैयाँ बराबर बोनस सेयर दिने प्रस्ताव पेश हुने बैंकले जनाएको छ ।
महालक्ष्मीलाई अन्य बैंक तथा वित्तीय संस्थासंग गाभ्न र प्राप्तिका लागि सञ्चालक समितिलाई सैदान्तिक सहमति दिने प्रस्ताव सभाले पारित गर्ने छ । बैंकको चलअचल सम्पत्ति, दायित्व तथा कारोबारको मूल्याँकन (डीडीए) गर्न परामर्शदाता, मूल्याँकनकर्ता र लेखापरीक्षक नियुत्त गर्ने छ ।
Copyright © 2024 Bikash Media Pvt. Ltd.
