काठमाडौं । नवलपुरको देबचुली नगरपालिकाका हुरी पीडितलाई चौधरी फाउण्डेशनले एक सय बण्डल जस्तापाता सहयोग उपलब्ध गराएको छ । नेपालीकाँग्रेसका सांसद एवम् चौधरी फाउण्डेशनका अध्यक्ष बिनोद चौधरीले हुरी र असिना पानीले क्षति पुर्याएको क्षेत्रमा सहयोग उपलब्ध गराएको हो । देवचुली क्षेत्रमा जेठ ७ र ८ गतेको हुरी तथा असिनापानीले दुई सयभन्दा धेरै घरको छानो उडाएर पुर्याएको छ ।

‘नवलपुरमा आएको हुरी तथा असिनापानीले आमनागरिकमा पु¥याएको असरबाट मर्माहत भएको छु । नवलपुरका वासिन्दा र जनप्रतिनिधिका हैसियतले यस दुःखद घडीमा म यहाँहरूको साथमै रहेको छु’ सांसद चौधरीले पठाएको सन्देशमा उल्लेख छ ।

विहिबार चौधरी फाउण्डेसनले देवचुली नगरपालिकाका प्रमुख पूर्णकुमार श्रेष्ठलाई जस्तापाता हस्तान्तरण गरेको हो । नगरपालिकाको अध्ययन टोलीले हुरीपीडितका लागि तत्काल सबैभन्दा आवश्यक जस्तापाताको रहेको सुझाव दिएपछि सांसद चौधरीले तत्कालै नवलपुरवासीकालागि जस्तापाताको व्यवस्था मिलाएका हुन् ।

सम्बन्धित शिषर्कहरु

मगर र थारु समुदायले मनाए माघी (तस्बिरहरू)

स्वस्थानी व्रतकथा प्रारम्भ (तस्बिरहरू)

१३८ कन्या कुमारीको बेल विवाह (तस्बिरहरू)

पशुपतिनाथमा आज धनुर्मास पूजा गरिँदै, तातोपानीले नुहाउने कार्यक्रम

आजदेखि नयाँ वर्ष सन् २०२५ सुरु, विदेशी पर्यटकीय क्षेत्रमा भीडभाड

आज सोमबारे औँसी, बिहानै नबोली स्नान गरिँदै