सानिमा लाइफ इन्स्योरेन्सको प्रमुख कार्यकारी अधिकृतमा चिरायु भण्डारीकाे सम्भावना
२०७६ भदौ ६ गते १६:२८ विकासन्युज
काठमाडौं । सानिमा लाइफ इन्स्योरेन्स कम्पनीले प्रमुख कार्यकारी अधिकृत पद (सीईओ)मा चिरायु भण्डारीलाई प्रस्ताव गरेको छ । सञ्चालक समितिले भण्डारीसँग व्यवसायिक योजनाबारे समेत छलफल गरेको छ ।
दुई पक्षबीचको छलफल सकारात्मक भएपछि कम्पनीका प्रतिनिधिले बीमा समितिसँग अनौपचारिक छलफल गरेका छन् तर बीमा समितिले केही प्राविधिक कुरा उठाएको स्रोतले बतायो ।
भण्डारी गत असारसम्म नेपाल पुर्नबीमा कम्पनीको प्रमुख कार्यकारी अधिकृतको रुपमा कार्यरत थिए । उनीसँग लामाे नेशनल लाइफ इन्स्योरेन्स कम्पनीमा काम गरेको अनुभव छ ।
‘बीमा क्षेत्रमा चार दशकदेखि कार्यरत छु । अब यो क्षेत्र छोडेर बाहिर जाने कुरा भएन’ भण्डारीले भने–‘विभिन्न कम्पनीबाट प्रस्ताव आएका छन् तर निर्णय भएको छैन ।’
२ वर्षअघि स्थापना भएकाे सानिमा लाइफ इन्स्याेरेन्स कम्पनीले हालसम्म प्रमुख कार्यकारी अधिकृत नियुक्त गरेकाे छैन । हाल महाप्रवन्धक शिवराम तिमल्सिनाले व्यस्थापकीय नेतृत्व समालेका छन् ।
सम्बन्धित शिषर्कहरु
Copyright © 2024 Bikash Media Pvt. Ltd.