काठमाडौं । नेपालमा दिगो विकास लक्ष्यहरुको प्रभावकारी ढंगबाट कार्यान्वयनका लागि काठमाडौंमा एक थलोमा छलफल भएको छ । उक्त छलफलबाट दिगो विकासका लागि कामगर्ने सम्पूर्ण सामाजिक संस्थाहरुको एक राष्ट्रिय सञ्जाल गठन भएको छ । उक्त सञ्जालमार्फत मुलुकभरी दिगो विकास लक्ष्यका विभिन्न आयामहरुमा सक्रिय भएर काम गर्ने सम्पूर्ण नागरिक संस्थाहरुको सहमति भएको छ ।

यसैगरी नेपालमा दिगो विकास लक्ष्यहरुलाई स्थानियकरण गर्ने र नेपालका मौलिक मुद्धाहरुलाइ विश्वव्यापी वहसमा लैजाने पहल थाल्नेमा पनि सरोकारवालबीच सहमति भएको छ । नेपालमा दिगो विकासका लक्ष्यहरुको कार्यान्वयनका लागि प्रारम्भ देखीनै सक्रिय भूमिका निर्वाह गर्र्दै आएका सामाजिक संस्थाहरु, अभियन्ताहरु, स्वतन्त्र विज्ञ तथा प्राज्ञिक व्यक्तित्वहरुबीच आगामि २०३० सम्म यहि साझा सञ्जाल मार्फत स्पष्ट कार्यनीति र नागरिक केन्द्रित उत्तरदायी व्यवस्थापन प्रणाली निर्माण गरेर अघि बढ्ने गरी एसडीजिएस् नेशनल कोअलिश्र नेपाल (एसएनसीएन) गठन भएको हो ।

यस स्वतन्त्र समूहले १५ दिनभित्र आफ्नो राष्ट्रिय रणनीति तथा कार्य दिशा तयार पार्ने र सबै विषयगत समितिहरु, मुख्यमुख्य समूहहरु तयगर्ने र स्पष्ट अवधारणा सहित अघि बढ्ने सहमति जुटाएको छ । यसैगरी कार्यक्रममा राइट हिअर् राइट नाउ (आरएचआरएन) सञ्जाल अन्र्तगत कार्यान्वयनमा रहेका गतिविधिहरु र दिगो विकास लक्ष्यहरुसंग नितिहरुको अन्तर सम्बन्धका बारेमा सामाजिक संस्थाहरुका विचमा जानकारी आदानप्रदान गरियो ।
किशोर किशोरीहरुका लागि शारिरिक र मनोवैज्ञानिक ढंगले अत्यन्तै आवश्यक वृहत यौनिकता शिक्षा र यसको अपरिहार्यताका बारेमा पनि सरोकारवालाहरु विचव्यापक छलफल भएको थियो ।

यस्ता छन् एसएनसीएन अन्र्तगत भएका थप निर्णायक कार्यहरु
समावेशी ढंगबाट सबै समेटिने गरी नौ सदस्यीय राष्ट्रिय समन्वय समिति गठन र यसको सचिवालयको जिम्वेवारी दिगो विकासका लागि राष्ट्रिय अभियान संस्थालाई प्रदान गरियो । पाँचवटा विश्वव्यापी शिद्धान्तामा रहेर सदस्यतामा आधारित साझा समूह निर्धारण गरेसँग बिषयगत क्षेत्रहरु स्पष्ट रुपमा किटान गर्दे सक्रिय जिम्मेवारी वहनगर्ने संस्थाहरुको छनौट गर्ने व्यवस्था छ ।

दिगो विकास लक्ष्य १६ प्लसको सचिवालयको भूमिका नेपालयुवा संस्था सञ्जाललाई प्रदान गरियो । दोस्रो पिपुल्स फोरमको मिति तथा कार्यक्रम घोषणा गर्नेछ । भिएनआरको सामाजिक संस्थाकातर्फबाट तयार हुने प्रतिवेदन समयमै सम्पन्न गर्न विज्ञ समूह गठन गर्ने तथा विश्वभरी र दक्षीण एसियामा दिगो विकास लक्ष्यमा भइरहेका संस्थागत तथा व्यक्तिगत प्रयासहरुबारेमा जानकारी आदानप्रदान गर्ने निर्णय गरेको छ ।

सम्बन्धित शिषर्कहरु

भक्तपुरका नेवार समुदायको आज म्हः पूजा, भोलि भाइटीका मनाउने

धनियाँ १०० रुपैयाँले घट्दा डल्लेच्याउ १३८ रुपैयाँले बढ्यो

दुई करोड १४ लाख राजस्व सङ्कलन

लक्ष्मीपूजाको दिन १६०२ मेगावाट विद्युतको माग, पिक समयमा २५३ मेगावाट भारत निर्यात

आज देशभर मौसम अनुकूल रहने, आगामी २४ घण्टामा कस्तो छ ?

निरन्तर स्थिर रह्यो अमेरिकी डलरको भाउ, यस्तो अन्य देशको मुद्राको मूल्य