२०७६ माघ २६ गते १२:५६ विकासन्युज
नेकपा महासचिव पाैडेल
काठमाडौं । सत्तारुढ नेकपाका महासचिव विष्णु पौडेलका छोरा नविनले ललिता निवासको जग्गा धितो राखेर तत्कालिन यति डेभलपमेन्ट बैंकबाट लिएको ४९ लाख रुपैयाँ ऋण २ वर्षमै तिरेका छन् ।
बैंक स्रोतले दिएको जानकारी अनुसार नविनले ललिता निवासको ८ अना जग्गा धितो राखेर तत्कालिन यति डेभलपमेन्ट बैंकबाट सन् २०१३ मा ४९ लाख रुपैयाँ ऋण लिएका थिए । सो ऋण रकम सन् २०१५ मा नै तिरेको बैंक स्रोतले जानकारी दियो ।
नवीनले सन् २०१३ मा नै सवै ऋण तिरेका भने होइनन् । उनले सो ऋण वापत तिर्नुपर्ने सावाँ व्याजमा १ हजार रुपैयाँ बाँकी राखेर सन् २०१५ मा सो ऋण तिरेका थिए । बाँकी रहेको १ हजार रुपैयाँ सन् २०१७ मा तिरेको बैंकको भनाइ छ ।
नवीनले ललिता निवासको सो जग्गा प्रतिआना ४ लाख रुपैयाँका दरले किनेका थिए । उनले लिएको सबै ऋण चुक्ता भइसकेको बैंकको भनाइ छ ।
सम्बन्धित सामग्री
Copyright © 2024 Bikash Media Pvt. Ltd.
