काठमाडौं । केबल टेलिभिजन, इन्टरनेट र नेटवर्क सेवा प्रदायक कम्पनी सुबिसु केबलनेटले नोकियाको सहकार्यमा १००जी अप्टिकल नेटवर्कको कार्य विस्तार गरेको छ । समयको माग र ग्राहकको स्तरीय सन्तुष्टीको निम्ति सुबिसुले अत्याधुनिक सेवाको सुरुवात गरेको हो ।

यसबाट उपभोक्ताले आफ्नो ब्यान्डवीथ वानजीबीपीएससम्म विस्तार गर्न सक्नेछन् । यसको शुरुवातसँगै हाइ स्पिड इन्टरनेट र हाइ डिफिनेशन इन्टरनेट प्रोटोकल(आइपीटिभी) को सेवा लिन सक्नेछन् ।

देशको ११ स्थानमा नोकियाको १८३० फोटोनिक सर्भिस स्विच(पिएसएस), डेन्स वेभलेन्थ डिभिजन मल्टीप्लेक्सिङ(डिडब्लुडिएम) विस्तार गरिसकेको छ । यसबाट ग्राहककाे बदलिंदो मागलाई पुर्ति गर्नुका साथै सुविसुले १००जी सर्भिस प्रदान गर्न सक्नेछ ।

नेपाल सरकारको ‘डिजिटल नेपाल’लाई लक्षित गर्दै सुरु गरिएको यस बिस्तारले सम्पूर्ण देशलाई नै सामाजिक एवम् आर्थिक विकास तिर अग्रसर हुन टेवा पुर्याउने विश्वास लिइएको छ । नोकियाका बिनिस बाबाले यसबाट नेपालका ग्राहक एवं व्यवसाय सबैले फाइदा लिन सक्ने र नेपालको संचार प्रबिधिको क्षेत्रमा यो महत्तवपुर्ण कदम रहेको बताएका छन् ।

आफ्ना ग्राहकलाई उच्च स्तरीय सेवा प्रदान गर्ने उद्देश्य लिएको सुविसुले यस कदमबाट सम्पूर्ण ग्राहक एवं व्यावसायले राम्रो प्रतिफूल प्राप्त गर्ने विश्वास लिइएको छ । कम्पनीका प्रमुख कार्यकारी अधिकृत विनय मोहन साउदले यसको थालनीसँगै ग्राहकको बदलिदो मागलाई सजिलैसँग पूरा गर्न सकिने र आगामी दिनहरुमा पनि सेवा बिस्तारमा कुनै समस्या नआउने उल्लेख गरेका छन् ।

सम्बन्धित शिषर्कहरु

रियलमीको सर्भिस सेन्टर अब दाङमा

वर्ल्डलिङ्कमा फिनफण्डको करिब डेढ अर्ब लगानी, फाइबर नेटवर्क बिस्तार गर्न प्रयोग गरिने

उखुको जुस बेचेर मासिक ४० हजार कमाइ, आम्दानी गर्न विदेश जानु नपर्ने 

सवा २ अर्ब भुक्तानी गरेपछि वर्ल्डलिंकले पायो नयाँ लाइसेन्स

कफीको मूल्य सन् १९७७ यताकै उच्च

थाङ्काबाट वार्षिक १५ लाख आम्दानी, एउटै चित्र पाँच लाखसम्म बिक्री हुने