काठमाडौं । करिब ५ साता लकडाउन गरेकाे न्युजिल्याण्डमा हाल कोरोना भाइरस (कोभिड–१९) संक्रमित बिरामीको संख्या शून्यमा झरेको छ । केहीदिन यता नयाँ संक्रमित नभेटिनुकाे साथै उपचारपछि निकाे भइ सबै संक्रमितहरू अस्पतालबाट घर फर्किसकेका छन् ।

न्युजिल्याण्डका स्वास्थ्य महानिर्देशक डाक्टर अस्ले ब्लूमफिल्डले एक विज्ञप्ति जारी गर्दै न्युजिल्याण्डमा मे २२ यता अहिलेसम्म कुनै पनि नयाँ संक्रमित फेला परेकामा खुसी व्यक्त गरेका छन् ।

पछिल्लो ४८ घण्टादेखि आइसोलेसनमा रहेका विरामीलाई कुनै लक्षण नदेखेपछि निकालिएको हो । न्युजिल्याण्डमा १ हजार ५ सय ४ जनामा कोरोना भाइरसको संक्रमण देखिएको थियो । जसमध्ये २२ जनाको मृत्यु भएको थियो । १ हजार ४ सय ८२ जना उपचारपछि घर फर्किएका छन् ।

मार्च १९ देखि कडाइका साथ लकडाउन घोषणा गरेको न्युजिल्याण्डले पछिल्ला दिनमा शुन्य कोरोना संक्रमित भएसँगै बन्दाबन्दी खुकुलो बनाइएको छ । (अलजिजराबाट)

सम्बन्धित शिषर्कहरु

रूस र चीनको त्रासमा बेलायत र अमेरिका, विश्व व्यवस्थामाथि खतरा बढेको चेतावनी

हरित अर्थतन्त्रका लागि विश्वव्यापी सहयोगको आह्वान

झाडा लागेर एकजनाको मृत्यु

आज ऋषिपञ्चमी पर्व मनाइँदै

तनहुँ जलविद्युत् आयोजनाको भुक्तानी युरोपियन बैंकमार्फत् हुने

कोशी, बागमती र गण्डकीमा भारी वर्षा हुने, सतर्क रहन अनुरोध