काठमाडौं । कर्मचारी सञ्चय कोषले २२ अर्ब ४४ करोड रुपैयाँ सेयरमा लगानी गरेको छ । जुन प्रतिशतका आधारमा ६.६९ प्रतिशत हो ।

२०७६ असार मसान्तको क्षेत्रगत लगानी सार्वजनिक गर्दै कोषले एक वर्षमा उक्त रकम सेयरमा लगानी भएको जनाएकाे छ । त्यस्तै, सञ्चयकर्तालाई एक खर्ब ८१ अर्ब रुपैयाँ सापटी दिएको छ । जुन काेषले गरेकाे क्षेत्रगत लगानी मध्ये सबैभन्दा बढी अर्थात ५३.४६ प्रतिशत हो ।

बैंकको मुद्दती निक्षेपमा ७८ अर्ब ७९ करोड रुपैयाँ र परियोजना कर्जामा ५२ अर्ब १९ करोड रुपैयाँ लगानी रहेको छ । त्यसैगरी, सरकारी सुरक्षण पत्रमा ५३ करोड र व्यवसायिक भवनमा ७२ करोड रुपैयाँ रहेको कोषले जनाएको छ ।

कोषले कर्मचारी सञ्चय कोष ऐन, २०१९ ले गरेको व्यवस्था अनुरुप वर्षभरको कामकाजको वार्षिक विवरण नेपाल सरकारलाई पेश गरेको छ । कोषले आर्थिक वर्ष २०७५/७६( २०७५ साउन १ गते देखि २०७६ असार मसान्तसम्म)को लेखापरीक्षण प्रतिवेदन तथा वित्तीय विवरण असार ९ गते अर्थमन्त्री युवराज खतिवडालाई बुझाएको हो ।

त्यस्तै, कोषको सञ्चयकर्ता संख्या बढेर ६ लाख २७ हजार पुगेको छ । कुल वित्तीय स्रोत ३ खर्ब ४२ अर्ब ४० करोड रुपैयाँ, सञ्चित सञ्चय कोष बढेर ३ खर्ब ९ अर्ब ८५ करोड र कर्जा तथा लगानी रकम बढेर ३ खर्ब ३५ अर्ब २५ करोड रुपैयाँ पुगेको छ ।

त्यसैगरी, कुल आम्दानी रकम २९ अर्ब ९६ करोड र मुनाफा रकम ४ अर्ब ४५ करोड रुपैयाँ पुगेको छ । कोषको मुख्य कार्यालय ठमेल सहित सातवटै प्रदेशमा शाखा कार्यालय रहेको र कुल ४५२ जना कर्मचारीमा महिलाको संख्या एक सय रहेको छ ।

सम्बन्धित शिषर्कहरु

मनोज ज्ञवाली नबिल बैंकको सिनियर डीसीईओमा बढुवा

आरुखर्क माविको स्वर्ण जयन्ती समारोहमा ६१ लाखभन्दा बढी आम्दानी, खर्च ७ लाख ५९ हजार

नागार्जुनका मेयर बस्नेतविरुद्ध भ्रष्टाचार मुद्दा दर्ता, राजु कँडेलसँग खाए सवा ९ करोड घुस

सिँचाइ पुगेपछि भेँडाबारीको गौचरनमा तोरीखेती, हिउँदमा पनि फाँट हराभरा

अटिजम भएका बालबालिकाको हेरचाहका लागि निर्देशिका तयार पार्न मन्त्री पौडेलको सक्रियता

आयोनिक फाइभले राख्यो विश्व कीर्तिमान, विद्युतीय कारमध्ये सर्वाधिक उचाइमा पुग्न सफल