हप्तामा थप १० लाख संक्रमित थपिँदै, डब्ल्यूएचओले दियाे अक्सिजन अभाव बारेमा चेतावनी

२०७७ असार ११ गते ७:५६ विकासन्युज

काठमाडौं । विश्व स्वास्थ्य संगठनले बुधवार विश्वव्यापी कोरोना भाइरस संक्रमितको करीब संख्या १ करोडको पुग्न लागेको भन्दै चिन्ता व्यक्त गरेकाे छ । प्रत्येक हप्ता १० लाख काेराेना संक्रमित बढ्दै गएसँगै डब्ल्यूएचओले अक्सिजन अभाव बारेमा चेतावनी दिएकाे छ ।

विश्व स्वास्थ्य संगठनका महानिर्देशक टेड्रोस अडानोम गेब्रियसले एक प्रेस सम्मेलनमा भने, ‘धेरै देशहरुमा अहिले अक्सीजन केन्द्रक (मेसिन) को अभाव छ । यस समयमा मेसिनको मागले आपूर्तिलाई नाघ्यो ।’ उनले थपे, ‘हालसम्म विश्वमा ९३ लाख मानिस कोरोना भाइरसबाट संक्रमित भइसकेका छन भने ४ लाख ८० हजार मानिस आफ्नो जीवन गुमाइसकेका छन । प्रत्येक हप्ता, १० लाख नयाँ व्यक्ति संक्रमित भएको पुष्टि भइरहेको छ । यस कारणले, हरेक दिन ८८ हजार ठूला अक्सिजन सिलिन्डर र ६ लाख २० हजार घनमीटर अक्सिजनकाे आवश्यकता रहेकाे छ ।’

काेराेना संक्रमणको अचानक वृद्धिले अक्सिजन देखा पर्‍यो भने काेभिड १९ का बिरामीहरूले सास फेर्नु गाह्राे हुने गर्छ । ट्राडोसले भने, ‘विश्व स्वास्थ्य संगठनले हालसम्म १४ हजार अक्सिजन केन्द्रकहरू खरिद गरिसकेको छ र आउने हप्ताहरूमा १ सय २० देशहरूमा पठाउने योजना बनाएको छ । यससँगै, अर्को ६ महिनामा, १.७० कंस्नट्रेटर जसको लागि १ कराेड डलर खर्च हुनेछ, तिनीहरूले यसलाई प्राप्त गर्ने सम्भावना छ ।’

विश्व स्वास्थ्य संगठनको आपतकालिन टोलीका प्रमुख डा.माइक रायनले भनेका छन् कि धेरै ल्याटिन अमेरिकी देशहरूमा यो महामारी अझै भयावह छ र यस क्षेत्रमा मर्नेहरूको संख्या १ लाख २४ हजार नाघेको छ । धेरै देशहरूमा गत हप्तामा २५ देखि ५० प्रतिशतले वृद्धि भएको छ ।

माइक रायनले अमेरिकामा अहिलेसम्म कुनै शिखर छैन र आउँदो दिनमा संक्रमित र मर्ने व्यक्तिको संख्या पनि बढ्ने सम्भावना रहेकाे जानकारी दिए । (बीबीसीकाे सहयाेग)

हप्तामा थप १० लाख संक्रमित थपिँदै, डब्ल्यूएचओले दियाे अक्सिजन अभाव बारेमा चेतावनी