काठमाडौं । नेपालका केहि स्थानमा सलह किरा देखा परेपछि कृषिमन्त्रालयका अधिकारीहरु छलफलमा जुटेका छन् ।

सर्लाही र बाराका केही स्थानमा सलह किरा देखिएको खबरपछि कृषिमन्त्रालयका विज्ञसहितको टोलीसँग भर्चुअल छलफलमा जुटेका हुन् । प्रदेश २ का प्राविधिकहरु पनि उक्त छलफलमा सहभागी रहेको मन्त्रालयका प्रवक्ता डा.हरि बहादुर केसीले बताए ।  नेपालकाे तराइ क्षेत्रमा किरा प्रवेश गरेसँगै समाधानका लागि थप बुझ्ने कार्य भइरहेको पनि बताए ।

उनले भने, ‘ हाल देखिएकाे सलह कीरा  त्यो वास्तवमा हो कि होइन निश्चित गर्नका लागि प्राविधिक टोली खटाएकाे छ ।’  बाली संरक्षण प्रयोगशालाका प्रमुख अशोक यादवको नेतृत्वमा अनुसन्धान टाेली खटाएका छन् ।

पूर्वी वायुका कारण नेपालमा अहिले सलह आउने सम्भावना एकदम न्युन रहेको प्रतिवेदन मन्त्रालयमा दिए पनि कीरा बिहार हुँदै नेपाल छिरेको प्रारम्भिक अनुमान लगाएका छन् ।

भारतमा देखिएको भन्दा फरक फरक प्रकृतिको किरा देखिएको भन्दै उनले यसबारेमा ल्याबमा परीक्षण नगरी यसै सबै कुरा भन्न नसकिने डा. केसीले बताए । नेपाली वैज्ञानिकहरुले पाकिस्तान र भारतका वैज्ञानिकहरुसँग पनि छलफलमा छन् ।

सम्बन्धित शिषर्कहरु

देशभर १ लाख ४२ हजार होटल तथा रेष्टुरेन्ट सञ्चालन, ३ लाख ८७ हजार व्यक्ति आवद्ध

मलाई गरिएको कारबाही विधानसम्मत छैन : नेता रावल

सहिद परिवारका लागि स्वास्थ्य बिमा गर्दै मधेस सरकार

कृषि तथा वन विज्ञान विश्वविद्यालयको रजिष्ट्रारमा डा पाल नियुक्त

सहकारीको बचतमा सीमा नतोक्न महासंघको आग्रह, सञ्चालकको कार्यकाल सम्बन्धी व्यवस्था संशोधन गर्न माग

आइसीएफसी फाइनान्सका ग्राहकलाई स्काईवाक टावरमा १५ प्रतिशत छुट