रुरु जलविद्युतले प्रिमियम मूल्यमा आईपीओ निष्काशन गर्दै, प्रतिकित्ता कति ?
२०७७ असार २६ गते १६:५५ विकासन्युज
काठमाडौं । रुरु जलविद्युत परियोजनाले प्रिमियम मूल्यमा साधारण सेयर (आईपीओ) निष्काशन गर्ने प्रक्रिया अघि बढाएको छ । नेपाल धितोपत्र बोर्डमा आवेदन दिँदै परियोजनाले सर्वसाधारणलाई प्रतिकित्ता एक सय २० रुपैयाँमा सेयर जारी गर्ने प्रक्रिया अघि बढाएको हो ।
परियोजनाले ४ लाख ७ हजार ७ सय ६ कित्ता सेयर अंकित मूल्य एक सय रुपैयाँमा २० रुपैयाँ थप प्रिमियममा सर्वसाधारणमा निष्काशन गर्न बोर्डको अनुमति मागेको हो ।
परियोजनाले ८ करोड ९६ लाख ९५ हजार २ सय २० रुपैयाँ बराबरको कूल ८ लाख १५ हजार ४ सय ११ कित्ता सेयर निष्काशन गर्न असार २५ गते बाेर्डमा आवेदन दिएकाे हो । जसमध्ये परियोजनाले स्थानीयलाई ४ लाख ७ हजार ७ सय ५ कित्ता र सर्वसाधारणलाई ४ लाख ७ हजार ७ सय ६ कित्ता सेयर निष्काशन गर्ने भएको हो ।
जसमध्ये स्थानियलाई अंकित मूल्य एक सय रुपैयाँमै र सर्वसाधारणलाई भने उक्त मूल्यमा २० रुपैयाँ थप गरेर प्रतिकित्ता एक सय २० रुपैयाँमा सेयर जारी गर्न बोर्डको अनुमति मागेको हो ।
काठमाडौंको हात्तिसारमा रहेको यस हाइड्रोपावरको सेयर निष्काशन तथा बिक्री प्रबन्धकमा एनएमबी क्यापिटल रहेको छ । बोर्डको अनुमति पाएसँग परियोजनाले सो मात्राको सेयर स्थानिय तथा सार्वसाधारणमा बिक्री गर्ने छ ।
2 comments on "रुरु जलविद्युतले प्रिमियम मूल्यमा आईपीओ निष्काशन गर्दै, प्रतिकित्ता कति ?"
Leave a Reply
सम्बन्धित शिषर्कहरु
Copyright © 2024 Bikash Media Pvt. Ltd.
सुभ श्री हाइड्रो पावरको अहिले सम्म कुनै नामो निसान छैन सेयर निष्काशन गरेर बाडफाड गरेको नि बर्ष दिन हुन लागि सक्यो । यदि कारोबार नै गर्नु थिएन भनेदेखी किन सर्बसाधारण जनताको पोइसा संकलन गरेर आफुले प्रयोग गरेको होला । यो त दिन डहाडौ लुट्ने प्रबिर्ती भएन र ?
shiva shree hydro ta gayebai vo kyaho? one year huna lagyo atto patto xen…..mero ni 70 kitta x.