काठमाडौं । नेपाल धितोपत्र बोर्डले सगुन इन्कर्पोरेशन कम्पनीमा लगानी नगर्न लगानीकर्तालाई आग्रह गरेको छ । सगुनलाई लक्षित गर्दै बोर्डले बुधबार एक सूचना जारी गरी विदेशमा दर्ता भएका सगुनजस्ता अन्य कम्पनीको सेयरमा लगानी नर्गन आग्रह गरेको हो ।

अमेरिकामा दर्ता भएको सगुनले नेपालका लगानीकर्तालाई लक्षित गरी मिनि आईपीओ जारी गरेको विभिन्न सञ्चारमाध्यममा आएसँगै बोर्डले उक्त आग्रह गरेको हो । नेपालीलाई अमेरिकी कम्पनीकाे मालिक बनाउने भन्दै सगुनले गरेकाे प्रचारप्रसार गैरकानुनी रहेकाे बाेर्डले बताएकाे छ।

बोर्डको स्वीकृत बिना नेपालमा धितोपत्रको निष्काशन गर्ने काम गैरकानुनी हुने र त्यस्तो धितोपत्रमा लगानी गर्दा विद्यमान कानूनी व्यवस्थाबाट लगानीकर्ताहरुको हित संरक्षण नहुने बोर्डले जनाएको छ ।

‘सगुन जस्ता अन्य कम्पनी जसले बोर्डबाट स्वीकृत प्राप्त गरेका छैनन्, त्यस्ता कम्पनीकाे सेयरमा लगानी नगर्न आग्रह गरिएकाे हाे । यदि त्यस्तो गरेको पाइएमा धितोपत्र ऐन अनुसार कारबाहीको प्रकृया अघि बढाइने छ ।’- बाेर्डका कार्यकारी निर्देशक निरज गिरीले बताए ।

बाेर्डले बुधबार जारी गरेकाे सूचना

त्यसैले, लगानीकर्ताले कुनै कम्पनीमा लगानी गर्नु अघि त्यस कम्पनीले बोर्डबाट स्वीकृति पाएकाे/नपाएकाे हेरेर वा बुझेर मात्रै लगानी गर्न उचित हुने उनले भने ।

‘धितोपत्र सम्बन्धी ऐन, २०६३ को दफा २७(१)मा संगठित संस्थाले नेपालमा धितोपत्रको निष्काशन गर्नु अघि बोर्डमा दर्ता गराउनु पर्ने र दफा २९(१)मा संगठित संस्थाले एक पटकमा ५० जनाभन्दा बढी व्यक्तिहरुलाई धितोपत्र बिक्री वितरण गर्ने भएमा त्यस्तो धितोपत्रको बिक्री वितरणको निमित्त सार्वजनिक निष्काशन गर्नुपर्ने’ व्यवस्था रहेको छ ।

सम्बन्धित समाचारः

सगुनले ९० लाख डलरको सेयर निष्काशन गर्ने, कम्तिमा ९ सय डलरको किन्न सकिने

सम्बन्धित शिषर्कहरु

आज सेयरधनी बने यी दुई कम्पनीको हकप्रदमा आवेदन दिन पाइने

चिलिमे-त्रिशूली २२० केभी प्रसारण लाइनको निर्माण सम्पन्न

सिटिजन्स बैंकमा रमेश शर्माले बढाए सेयर, तारा र दिग्विजयले घटाए

घुमघामको याम : यी हुन् गण्डकीका गन्तव्य

घरमै बनाउन सकिने स्वस्थकर मिठाई

अनिवार्य बन्दै भाइमसला, बारीको फलप्रति वेवास्ता