काठमाडाैं । विश्व बैंकले कोभिड–१९ को सङ्कटकाे बिच नेपालमा आधारभूत शिक्षामा पहुँच कायम गर्न र बच्चाहरूको लागि निरन्तर शिक्षा दिन विद्यालय क्षेत्र विकास कार्यक्रमकाे लागि १ अर्ब ३० करोडकाे आर्थिक सहयाेग गरेकाे छ ।

विद्यालय क्षेत्र विकास कार्यक्रम आइडिएद्धारा स‌ंचालित कार्यक्रम हाे जसमा एसियन डेभलपमेन्ट बैंक, युराेपियन युनियन, फिनल्यान्ड, गाेल्बल पार्टनरसिप फर एजुकेसन जापान, ईन्टरनेसनल काेर्पेारेशन नरवे, युएसएड र युनिसेफले संयुक्त रुपमा सहयाेग रहेकाे छ । नेपालमा आधारभूत र माध्यमिक शिक्षाको गुणस्तर, समान पहुँच र दक्षता सुधार गर्नु यस कार्यक्रमको उद्देश्य हाे ।

अर्थ सचिव शिशिरकुमार ढुङ्गाना र विश्व बैंकका नेपालस्थित देशीय निर्देशक फारिस हदाद जार्भोसले उक्त सम्झौतापत्रमा हस्ताक्षर गरेका छन् ।

‘कोभिड १९ काे को प्रभावका कारण बच्चाहरुकाे सीपमा भएकाे हानी कम गर्न सहयोग अनुदानका लागि हामी विश्व बैंक र जीपीईलाई धन्यवाद दिन्छौं,’ सचिव श्रीकृष्ण नेपालले भने। ‘अनुदानले स्कूल बन्द हुने क्रममा शिक्षाको निरन्तरतालाई सक्षम पार्न, विद्यालयहरूलाई सुरक्षित रूपमा पुनः सुरु गर्न र विद्यार्थी र शिक्षकहरूमा पर्ने प्रभावहरूलाई कम गर्न सहयाेग पुर्‍याउँछ।’

यस अनुदानले मिडिया वा इन्टरनेटमा पहुँच नभएका बच्चाहरूको लागि टेलिभिजन, रेडियो र लर्निंग पोर्टलको माध्यमबाट टाढाका शिक्षा कार्यक्रमहरूलाई सहयोग पुर्‍याउन गतिविधिहरू सहयाेग गर्नेछ।

‘काेभिडकाे कारण नेपालकाे साथसाथै विश्वकै शिक्षा क्षेत्र सबैभन्दा बढि प्रभावित भएकाे छ र यसले बालबालिककाे सिकाईमा गहिराे असर गरेकाे छ,’  निर्देशक फारिस हदाद जार्भोसले भने । ‘बालबालिका, विशेष गरी केटीहरूको पहुँच र शिक्षाको सुरक्षाका लागि तत्काल आवश्यक समर्थन गर्ने क्रममा यस अनुदानले नेपाल सरकारको प्रयासलाई सहयोग पुर्‍याउँछ र नेपालको शिक्षाको क्षेत्रलाई राम्रो बनाउन सहयोग गर्दछ।’

सम्बन्धित शिषर्कहरु

राष्ट्रपतिसमक्ष महान्यायाधिवक्ताको वार्षिक प्रतिवेदन पेस

‘अदृश्य मोतीहरू’ को तेस्रो संस्करण सम्पन्न

ललितपुर महानगरको सहयोगमा पाटन अस्पतालको शवगृह स्तरोन्नति

नेपालमा सम्भावना नै छैन भन्ने भाष्य परिवर्तन गर्नुपर्छ : अध्यक्ष ढकाल

सोल्टी होटल्स एण्ड रिसोर्ट्सको ब्रान्ड एम्बेसडरमा पन्त, सोल्टी हेरिटेज क्लबको मोबाइल एप सुरु

८ करोडको लगानीमा पर्वतमा चुत्रो प्रशोधन उद्योग सञ्चालन