काठमाडौं । नेपालको सबैभन्दा ठूलो इन्टरनेट सेवा प्रदायक कम्पनी वल्र्डलिंकले दैनिक २ घण्टा निःशुल्क इन्टरनेट उपलब्ध गराउने दाबी गरेको छ । सरकारले फ्रिक्वेन्सी प्रदान गरेमा देशभर दैनिक २ घण्टा इन्टरनेट सेवा निःशुल्क प्रदान गर्न कम्पनी तयार रहेको कम्पनीका अध्यक्ष दिलिप अग्रवालले बताए ।

एक्सप्रेस वाईफाईका लागि फेसबुकसँग भएको सहकार्यको विषयमा जानकारी दिन आयोजना गरिएको पत्रकार सम्मेलनमा कम्पनीको प्रबन्ध निर्देशक समेत रहेका अध्यक्ष अग्रवालले यस्तो बताएका हुन् ।

देशभरका सबै नागरिकको इन्टरनेट सेवामा पहुँच आवश्यक रहेकोले वल्र्डलिंकले यसमा सहयोग गर्ने अग्रवालको भनाइ छ ।

‘फ्रि वाइफाइ भनेको जतिबेला पनि फ्रि हुने होइन, फ्रि त हुन्छ तर त्यसमा सेवा अवधि हुन्छ, निश्चित समयका लागि फ्रि हुने हो, सरकारले फ्रिक्वेन्सी दिने हो भने देशभर २ घण्टासम्म सबै डिभाइसमा निःशुल्क इन्टरनेट दिन तयार छौं’, प्रबन्ध निर्देशक अग्रवालले भने ।

वल्र्डलिंकले देशका विभिन्न ३० हजार स्थानमा फ्रि वाइफाइ सेवा प्रदान गर्न लागेको छ । यसका लागि ३ वर्षको समय लाग्ने कम्पनीको भनाइ छ ।

वल्र्डलिंकले अहिले १० हजार स्थानमा फ्रि वाइफाइ उपलब्ध गराइरहेको छ । सोमध्ये ७ हजार ५ सय स्थानमा फेसबुकको एक्सप्रेस वाइफाइ सेवा सुचारु गरिएको छ ।

सम्बन्धित शिषर्कहरु

एनसेलले एनपीएलका हानिने चौकावापत सामुदायिक विद्यालयका विद्यार्थीलाई शैक्षिक सामग्री वितरण गर्ने

निर्जीवन बीमाको व्यापार १४ अर्ब बढी, शीर्षस्थानमा सलिको, तेस्रो स्थानमा झर्‍यो शिखर

वर्ल्डलिङ्कमा फिनफण्डको करिब डेढ अर्ब लगानी, फाइबर नेटवर्क बिस्तार गर्न प्रयोग गरिने

ट्रम्पले क्यानडामाथि ट्यारिफ लगाए इन्धनको मूल्य बढ्ने आशंका

सवा २ अर्ब भुक्तानी गरेपछि वर्ल्डलिंकले पायो नयाँ लाइसेन्स

बैंकहरूको शाखा विस्तार बन्द, दुर्गमको कारोबार वृद्ध भत्तामा सीमित