काठमाडौं । नेपाल उद्योग वाणिज्य महासंघ (एफएनसीसीआई) को ५४औं वार्षिक साधारणसभा तथा निर्वाचनको परिणम सार्वजनिक हुने क्रम बढेको छ । निर्वाचन समितिले अहिलेसम्म ५ वटा प्रदेशबाट महासंघ कार्यकारिणी सदस्यको नतिजा सार्वजनिक गरेको छ ।

समितिले हालै सार्वजनिक गरेको परिणाम अनुसार प्रदेश २ बाट विजयकुमार शाह निर्वाचित भएका छन् । उनले १२ मत ल्याउँदा उनका प्रतिद्वन्द्वी विनोदप्रसाद शाहले कुनै मत ल्याउन सकेनन् ।

गण्डकी प्रदेशबाट बाबुराम गिरी ९ मतसहित विजयी भए भने उनका प्रतिद्वन्द्वी निर्माणकुमार श्रेष्ठले ६ मत मात्रै ल्याए । लुम्बिनी प्रदेशबाट जसमेर मियाँले १० मतसहित चुनाव जितेका छन् भने उनका प्रतिद्वन्द्वी हेमराज बन्जाडेले ९ मत मात्रै ल्याए ।

कर्णाली प्रदेशबाट लालिमान बुढाले ७ मत ल्याएर जिते भने उनका निकटम् प्रतिस्पर्धी प्रकास अधिकारीले ३ मात्रै मत ल्याए । सुदुरपश्चिमबाट पुष्पराज कुँबरले ८ मत ल्याएर बाजी मारे भने उनका निकटतम प्रतिद्वन्द्वी देवबहादुर रोकायले २ मत मात्रै ल्याए । वागमती प्रदेशको मतगणना हुन बाँकी छ । प्रदेश १ बाट यस पदमा यसअघि नै राजेन्द्र राउत निर्विरोध भइसकेका छन् ।

चुनावमा वरिष्ठ उपाध्यक्ष पदका प्रत्यासी चन्द्र ढकाल र किशोर प्रधान प्यानलसहित प्रतिस्पर्धामा छन् । यो मत परिणामपछि वरिष्ठ उपाध्यक्ष पदमा कसले बाजी मार्ला भनेर अनुमान गर्न सकिने व्यवसायीहरुले बताएका छन् ।

सम्बन्धित शिषर्कहरु

रविलाई अदालत उपस्थित गराइयो

४ वर्षमा ४० लाख युवाले बनाए पासपोर्ट, राहदानीबाट वार्षिक ६ अर्ब कमाउँछ सरकार

५ महिनामा १३.४ अर्बको विद्युत् भारत निर्यात, माथिल्लो तामाकोशी बन्द हुँदा घट्यो

१२ वटा गैँडा मृतावस्थामा भेटिए, १५० जना नियन्त्रणमा

करोड हात पार्न सुदूरपश्चिम र जनकपुरबीच भिडन्तः दुई व्यवसायीबीच पनि ब्याटल, कसले पाउला कार ?

नयाँ रेकर्ड बनाइरहेको अमेरिकी डलर पाँचौ दिनमा घट्यो, ओरालो लाग्दै यूरो र पाउण्ड