काठमाडौं । चन्द्रागिरी हिल्स लिमिटेडले पहिलो चरणमा निष्काशन गरेको प्राथमिक सेयर(आईपीओमा) भोलि पुस १ गते बुधबारसम्ममा आवेदन दिन पाइने भएको छ । संस्थाले हाल निष्काशन गरिरहेको सेयरमा आयोजना प्रभावित क्षेत्रका स्थानीयले भोलि बैंकिङ्ग समयभित्रमा आवेदन दिन पाउने छन् ।

कम्पनीले प्रतिसेयर एक सय रुपैयाँको ३ लाख ६ हजार ८१९ कित्ता सेयर आयोजना प्रभावित स्थानीयलाई निष्काशन गरिरहेको छ । आयोजना प्रभावित क्षेत्र काठमाडौं जिल्ला अन्तर्गत चन्द्रागिरी नगरपालिका वडा नं। ३,४, ६ र ७ साविक थानकोट गा।वि।स।का सम्पूर्ण वडा र साविक महादेवस्थान गा।वि।स।को वडा नं। ३, ४, ५, ६, ७ र ८ मात्र एवं मकवानपुर जिल्लाको थाहा नगरपालिका वडा नं। ९ र १० साविक चित्लाङ्ग गा।वि।स।का सम्पूर्ण वडाहरु र इन्द्रसरोबर गाउँपालिका वडा नं। ५ साविक फाखेल गा।वि।स।का सम्पूर्ण वडाका नागरिकले मात्र आवेदन दिन सक्नेछन् ।

कम्पनीले गत मंसिर १७ गतेदेखि पहिलो चरणमा आयोजना प्रभावित स्थानियलाई आईपीओ बिक्री खुला गरेको हो । जसमा हालसम्म ११ करोड ९४ लाख ६८ हजार रुपैयाँ बराबरको आवेदन परेको छ ।

कम्पनीको सेयर निष्काशन तथा बिक्री प्रबन्धक ग्लोबल आईएमई क्यापिटलको अनुसार मंसिर २९ गते सोमबार दिउँसो ४ः३० बजेसम्ममा २ हजार ६९१ जना आवेदकले ११ लाख ९४ हजार ६८० कित्ता सेयरको लागि आवेदन परिसकेको छ । जुन कम्पनीले माग गरेको भन्दा करिब ४ गुणा बढी हो ।

यससँगै इच्छुक आवेदकले १० कित्तादेखि अधिकतम ३०६० कित्तासम्म आवेदन दिन सक्नेछन् । उनीहरुले मंसिर १७ गतेदेखि छिटोमा आगामी पुस १ गतेसम्म आवेदन दिन सक्नेछन् । यदि उक्त मितिसम्म सेयर बिक्री नभएमा संस्थाले ढिलोमा पुस १६ गतेसम्म आवेदन दिन पाउने व्यवस्था गरेको थियो ।

सम्बन्धित शिषर्कहरु

ब्रोकर एसोसिएसनको अध्यक्षका लागि सागर ढकालको उम्मेदवारी घोषणा, यस्ता छन् प्रतिबद्धता

नेपाल चीन बिजनेस समिट : क्रेडिट रेटिङपछि ढुक्क भएर लगानी गर्ने वातावरण तयार

सूर्यज्योति लाइफका बिमितले अनलाइन प्रिमियम भुक्तानी गर्दा उपहारै उपहार जित्ने अवसर

नेप्सेमा १ कराेड ८० लाख कित्ता सेयर सूचीकृत

माथिल्लो तामाकोशीबाट पुस १० भित्र विद्युत् उत्पादन गर्ने तालिका तय

राष्ट्रिय जीवन बिमा कम्पनीले लेखापरीक्षण नगरेकोमा अर्थमन्त्री पौडेलको तीव्र असन्तुष्ट