काठमाडौं । नेपाली काँग्रेसका उपसभापति विमलेन्द्र निधीले नेपालको अर्थतन्त्रलाई मजबुत बनाउन नेपाल सहकारी बैंक अपरिहार्य रहेको बताएका छन् । एउटामात्र सहकारी बैकले सहकारी क्षेत्र समेट्न नसकेको टिप्पणी गर्दै आवश्यकता र आधार पुगेका सबैलाई बैंक बनाउन सकिने बताए ।

प्रस्तावित नेपाल सहकारी बैंकको प्रारम्भिक भेलालाई सम्बोधन गर्दै पुर्व उपप्रधानमन्त्री समेत रहेका नेता निधीले करिब एक हजार सदस्यता दर्ता भएको बैंकलाई कुनैपनि हालतमा रोक्न नसक्ने ठोकुवा गरे। भने- ‘यो बैंक सबैको लागि आवश्यकता छ, तपाईहरु दर्ता प्रकृयामा जानुस् कसैले रोक्न सक्दैन बैंक स्थापना भएरै छाड्नेछ ।’ उनले जननेता विपी कोइरालाले नेपालमा अर्थतन्त्र प्रवेश गराएकाे दाबी गर्दै मुलुकभर सहकारी फष्टाएको स्मरण गर्दै अब मुलुकमा अर्को सहकारी बैंक स्थापना भैसकेको जिकीर गरे ।

बैंक दर्ता प्रकृयाले लोकतन्त्र र अर्थतन्त्रमा महत्वपुर्ण भुमिका खेल्ने उल्लेख गर्दै तत्काल दर्ता प्रकृया शुरु गर्न आग्रह गरे । राष्ट्रिय सहकारी बैंकका सञ्चालकले नेपाल सहकारी बैंक खोल्न दिन नहुने भन्दै आफुलाई सहयोग नगर्न आग्रह गरेको खुलासा गर्दै उनले भने- ‘केही केही नेपाल सहकारी बैंकको विरुद्धमा लागेका छन् , म भन्छु यसले केही समस्या पार्दैन प्रकृया थाल्नुस् सिङ्गो पार्टीको पूर्ण सहयोग रहनेछ ।’

प्रस्तावित नेपाल सहकारी बैंक स्थापना गर्नुपर्ने कारणबारे औल्याउँदै बैक स्थापना गर्न गठित कार्यदलका संयोजक सुरेन्द्र भण्डारीले राष्ट्रिय सहकारी बैंकले राष्ट्र बैंकबाट कारोबारका लागि अनुमति प्राप्त गर्न नसक्नु, नेपाल राष्ट्र बैकको ऐनमा सहकारी बैक सम्बन्धी व्यवस्था गर्न नसक्नु, सहकारी संस्थालाई बचत तथा ऋणको कारोबार बाहेक अन्य सेवा उपलब्ध गराउन नसक्नु, बिना धितो ठुलो रकम प्रवाह गर्नु, बैंक सञ्चालनमा राजनीति हवी हुनु, कर्जा लगानीमा विभेद गर्नु लगायतका कारणले नयाँ बैंकको आवश्यकता महसुस गरी एक हजार भन्दा बढी सदस्य संस्थाको भेला आयोजना गर्नुपरेको बताए ।

उनले सहकारी ऐन २०७४ र नियमावली २०७५ को आधारमा बैक दर्ता प्रकृया अघि बढाइएको जानकारी गराए । उनले भने- ‘करिब एक वर्ष अघिदेखि प्रकृया शुरु गरेका थियौं अब दर्ता प्रकृया शुरु गर्नेछौं । उनले प्रारम्भिक भेलामा सातै प्रदेशका ४५ जिल्लाका सदस्य संस्थाका एक हजार भन्दा बढी सदस्य उपस्थित भएर ठुलो सफलता भएको बताउँदै अब बैंक दर्ता प्रकृयामा कसैले अवरोध गर्न नसक्ने जिकीर गरे ।

एकमात्र सहकारी बैकले प्रभावकारी सेवा दिन नसकेको कारण बाध्य भएर नया बैक दर्ता प्रकृया शुरु गरेको उल्लेख गर्दै संयोजक भण्डारीले भने- ‘नेपाल सहकारी बैक जस्तै प्रकृतिका अब ५ वटा बैंक खुल्नुपर्छ । ३४ हजार भन्दा बढी सहकारी मध्य सक्रिय कारोबार गर्ने सहकारीको संख्या ३० हजारको संख्यामा रहेको अवस्थामा सबैलाई व्यवस्थित सेवा दिन नया बैकको आवश्यक रहेको उल्लेख गरे ।’

तथ्याङक हेर्दा नेपालमा ८ खर्ब भनदा बढीको निक्षेप संकलन, १ खर्ब भन्दा बढी सेयर पुँजी संकलन, ७३ लाख भन्दा बढीलाई वित्तीय सेवा र सुविधा, ३ लाख बढीलाई रोजगारीको प्रदान र कुल ग्राहस्थ उत्पादनमा ७ प्रतिशत भन्दा बढी योगदान दिएको सहकारी क्षेत्रमा नया बैंकको आवश्यक महसुस गरी देशैभरबाट आएका सहकारी सदस्यको सहयोगमा भेला आयोजना गरीएको संयोजक भण्डारीको भनाई छ ।

भेलामा पुर्वमन्त्री एवं नेपाली काग्रेस सहकारी विभाग प्रमुख आनन्द ढुंगानाले मुलुकमा एउटामात्र सहकारी बैंकले सबै सहकारीकर्मीलाई समेट्न नसकेको कारण बैंक स्थापना गर्ने कामको शुरुवात गरेकोमा खुसी व्यक्त गरे । भेलामा पूर्व अर्थ राज्यमन्त्री एवं नेपालीका काग्रेसका नेता उदयशम्सेर राणा, पुर्व गभर्नर डा. चिरञ्जीवि नेपाल, सहकारी विकास बोर्डका सहअध्यक्ष दक्ष पौडेल, महेन्द्र नारायणनिधी मेमोरियल सहकारी संस्थाका सञ्चालक भानुभक्त ढकाल लगायतले अहिलेको अवस्थामा एउटा मात्र सहकारी बैंकले काम गर्न नसकेको सो बैंकले सबै सहकारीकर्मीलाई समेट्न नसकेको कारण बैंक स्थापना गर्ने काम थालेकोमा सुभकामना व्यक्त गरेका थिए ।

सम्बन्धित शिषर्कहरु

स्थानीय तहकाे निर्वाचन : आज रातिसम्म सबै नतिजा आउने

कृषिवस्तु उत्पादन वृद्धि गर्न विशेष क्षेत्र घोषणा गरिने

दीपल बन्यो सोनु निगमको ‘कन्सर्ट’को मुख्य प्रायोजक

एभरेष्ट कलरले आईपीओ जारी गर्दै, बिक्री प्रबन्धकमा मुक्तिनाथ क्यापिटल

१९ अंकले बढ्यो सेयर बजार, १० अर्ब ५४ लाख बढीको कारोबार

विकास साझेदारसँगको बैठकमा अर्थमन्त्रीले भने- सार्वजनिक ऋणबाट आत्तिनुपर्ने अवस्था छैन