काठमाडौं । महिला लघुवित्त वित्तीय संस्थाको साधारण सेयर(आईपीओ) बाँडफाँड सम्पन्न भएको छ । उक्त आईपीओ बाँडफाँड आज(फागुन १४ गते) सेयर निष्काशन तथा बिक्री प्रबन्धक नेपाल एसबिआई मर्चेन्ट बैंकिङ्गको केन्द्रिय कार्यालय हात्तिसारमा सम्पन्न भएको हो ।

मर्चेन्टका अनुसार आईपीओमा आवेदन दिने आवेदकमध्ये ३७ हजार ५०० जनाले संस्थाको सेयर हात पारेका छन् भने बाँकीको हात खाली भएको छ ।

उक्त आईपीओमा १५ लाख ४० हजार ३५ जनाले कूल २ करोड ३७ लाख ४७ हजार ५९० कित्ता सेयरको लागि आवेदन दिएका थिए । जसमध्ये १५ लाख ३६ हजार ६८२ जनाले दिएको कूल २ करोड ३६ लाख ९२ हजार ६३० कित्ता सेयरको लागि दिएको आवेदन योग्य भएको छ । भने बाँकी ३ हजार ३५३ जनाले माग गरेको कूल ५४ हजार ९६० कित्ता आवेदन भने रद्ध भएको क्यापिटलले जनाएको छ ।

रितपूर्वक आवेदन दिएकामध्ये ३७ हजार ५०० जनाले १० कित्ताको दरले सेयर हात पारेका छन् । उनीहरुलाई १०/१० कित्ताको दरले ३ लाख ७५ हजार कित्ता सेयर बाँडफाँड गरिएको छ । त्यस्तै, बाँकी १४ लाख ९९ हजार १८२ जना आवेदकले भने लघुवित्तको सेयर हात पार्न सकेनन् ।

संस्थाले माघ ३० गतेदेखि फागुन ५ गतेसम्म कूल ४ लाख कित्ता अर्थात ४ करोड रुपैयाँ बराबरको आईपीओ निष्काशन तथा बिक्री खुला गरेकाे  थियाे । जसमध्ये ०.५० प्रतिशत अर्थात ५ हजार कित्ता सेयर कर्मचारीलाई र ५ प्रतिशत अर्थात २० हजार कित्ता सेयर सामूहिक लगानी कोषको लागि सुरक्षित गरिएको छ । र, बाँकी रहने ३ लाख ७५ हजार कित्ता साधारण सेयर सर्वधारणलाई निष्काशन गरेकाे हाे ।

यससँगै ६ करोड रुपैयाँ रहेको संस्थाको चुक्ता पुँजी आईपीओ बाँडफाँड पश्चात १० करोड रुपैयाँ पुग्नेछ ।

सम्बन्धित शिषर्कहरु

स्थानीय तहकाे निर्वाचन : आज रातिसम्म सबै नतिजा आउने

कृषिवस्तु उत्पादन वृद्धि गर्न विशेष क्षेत्र घोषणा गरिने

दीपल बन्यो सोनु निगमको ‘कन्सर्ट’को मुख्य प्रायोजक

एभरेष्ट कलरले आईपीओ जारी गर्दै, बिक्री प्रबन्धकमा मुक्तिनाथ क्यापिटल

१९ अंकले बढ्यो सेयर बजार, १० अर्ब ५४ लाख बढीको कारोबार

विकास साझेदारसँगको बैठकमा अर्थमन्त्रीले भने- सार्वजनिक ऋणबाट आत्तिनुपर्ने अवस्था छैन