२०७८ असार १३ गते १८:१२ विकासन्युज
काठमाडौं । आज बसेको काठमाडौं उपत्यकाका तीन जिल्ला प्रमुख अधिकारी (सीडीओ)को बैठक निश्कर्षविहिन रुपमा टुङ्गिएको छ । निषेधाज्ञाको बारेमा थप निर्णय गर्न बसेको बैठक निश्कर्षविहिन रुपमा टुङ्गिएको हो ।
ललितपुरका प्रमुख जिल्ला अधिकारी ढुण्डीप्रसाद निरौलाले आज बसेको बैठकले यकिन निर्णय गर्न नसकेको बताए ।
‘आज बसेको बैठकले यकिन निर्णय दिन सकेको छैन, एक साता थप्ने कि भन्ने छलफल भएको थियो तर धेरै क्षेत्रहरुलाई केही खुकुलो पार्नु पर्ने र त्यसका लागि वृहत छलफल आवश्यक थियो, आजका लागि बैठक त्यतिकै सकियो, फेरि भोलि बिहान बसेर अन्तिम निर्णय गर्नेछौं,’ उनले विकासन्युजसँग भने ।
उनका अनुसार अब धेरै क्षेत्रलाई खुकुलो बनाएर लगिनेछ । यसअघि खुला भएका क्षेत्रको समय थप गर्ने तयारी गरिएको उनकाे भनाइ छ । हाल बार र समय तोकेर अधिकाशं क्षेत्रका पसलहरूलाई खोल्न दिएको छ ।
Copyright © 2025 Bikash Media Pvt. Ltd.
