काठमाडौं । नेपाल वायुसेवा निगमले २० वर्षभन्दा बढी सेवा गरेका चार जना कर्मचारीलाई सम्मान गरेको छ । निगमले आफ्नो ६३ औं वार्षिकोत्वसको अवसर पारेर बिहीबार लामो समयदेखि सेवा गरेका कर्मचारीलाई पदक एवं सम्मानपत्र प्रदान गरेको हो ।

निगमका महाप्रन्धक डिमप्रकाश पौडेलले दीर्घसेवा पदकबाट वरिष्ठ पाइलटहरु नरबहादुर विश्वकर्मा, राजेश कुशवाहा, संजय वैद्य र उज्जल सिलवाललाई सम्मान गरेका हुन ।

महाप्रवन्धकले निगमका कर्मचारीहरुले कठिन घडीमा पनि देश र जनताको लागि उल्लेखनीय सेवा दिइरहेको भन्दै भविष्यमा आइपर्ने समस्याहरुमा डटेर योगदान पु¥याउने विश्वास व्यक्त गरे ।

उनले महँगो ब्याजको ऋण, महँगो हवाई इन्धन र देश प्रतिकूल विमानहरु किन्नु परेका कारण निगमले दोष बोक्नु परेको चर्चा गर्दै निगमको प्रयासमा हवाई इन्धनको मूल्य घटाउन सकिएको कारण वित्तीय प्रवाहमा महत्वपूर्ण मद्दत पुग्ने बताए ।

सरकारको स्वामित्व रहने गरी विसं २०१५ असार १७ (सन् १९५८ जुलाई १) मा निगमको स्थापना भएको थियो ।

सम्बन्धित शिषर्कहरु

बालबालिकालाई स्थानीय तहको संरचनाबारे जानकारी दिन ललितपुर महानगरमा नमूना बाल नगरसभा सुरु

आइतबार हुँदैछ गार्डियन माइक्रो लाइफ इन्स्योरेन्सको आईपीओ बाँडफाँड

उपत्यकाभित्र ‘नो हर्ज प्लिज’ अभियान फेरि लागू गरिने

क्रेस्ट माइक्रो लाइफले पायो आईपीओ निष्काशनको अनुमति

चालु आर्थिक वर्ष सुरु भएयता हालसम्म बने १२ पुल, ६५५ वटा निर्माण गर्ने लक्ष्य

वीरमा खानेपानी समस्या समाधान, ट्याङ्करलाई तिर्ने मासिक १० लाख जोगिने