भारतले राेकेकाे एक वर्षपछि खुल्यो पाम तेलको निकासी, उद्याेगीलाई राहत
२०७८ असार १७ गते १६:४३ विकासन्युज
काठमाडौं । एक वर्षदेखि रोकिएको पाम तेलको निकासी खुला भएको छ । भारतले नेपालबाट निर्यात हुदैँ आएको पाम तेलको आयातमा खुला गरेसगैँ नेपालबाट निकासी खुला भएको हो ।
भारतको वाणिज्य तथा उद्योग मन्त्रालयअन्तर्गतको वैदेशिक व्यापार शाखाले पाम तेलको आयात खुला गरिएको जनाएको छ । शाखाले बुधबार एक सूचना जारी गर्दै उक्त कुरा जनाएको हो ।
बुधबारदेखि खुला भएको पाम तेलको आयात आगामी डिसेम्बरसम्मका लागि मात्र रहेको शाखाले जनाएको छ । नेपालको व्यापार घाटा घटाउन महत्वपूर्ण ठानिएको पाम आयलमा भारतले लगाएको प्रतिबन्ध गरेपछि अहिले भट्मासको तेलको निर्यात उच्च रहेको छ ।
नेपालमा पाम आयलको उत्पादन हुँदैन् । विगतको दिनमा नेपालबाट निर्यात हुँदै आएको पाम आयल नेपाली उद्योगीहरूले मलेसिया र इन्डोनेसियाबाट पाम आयात गरी नेपालमा प्रशोधन गरी भारत लगायतका देशमा निकासी गर्दै आएका थिए ।
एक वर्षभन्दा बढी समयदेखि रोकिएको निकासी खुला हुँदा पाम तेल उत्पादन गर्ने उद्योगहरुलाई राहत मिलेको विराटनगरका उद्योगीहरुले बताएका छन् ।
बुधबारदेखि भारतले आयात खुला गरेतापनि नेपालबाट निकासीगर्न भने केही समय लाग्ने जनाईएको छ । देशभर २० वटा पाम तेल निर्यात गर्ने उद्योगहरु रहेका छन् ।
सम्बन्धित शिषर्कहरु
Copyright © 2025 Bikash Media Pvt. Ltd.