काठमाडौं । नेकपा एमालेका युवा नेता महेश बस्नेतले प्रधानन्यायाधीश चोलेन्द्र शम्शेर जबरालाई राजनीतिको मैदानमा आउन चुनौति दिएका छन् । सर्वोच्चको फैसला विरुद्ध नेकपा एमालेको युवा संगठन राष्टिय युवा संघले सोमबार काठमाडौंको माइतिघर मण्डलमा गरेको विरोध सभामा बोल्दै उनले न्यायलयभित्र बसेर प्रधानन्यायाधीश चोलेन्द्र शम्शेर जबराले कार्यपालिका, व्यवस्थापिका र अन्य संबैधानिक निकायको अधिकार उपयोग गर्न खोजेको भन्दै खुल्ला राजनीतिका लागि मैदान आउन चुनौति दिएका हुन् ।

नेकपा एमालेले व्हीप उंलघन गर्ने सांसदहरुलाई कारवाही गर्न पाउदैन भनी आदेश दिएर प्रधानन्यायाधीश जबराले न्यायलयलाई अर्को राजनीतिक संस्था बनाएको आरोप बस्नेतले लगाए । उनले प्रधानन्यायाधीश आफु प्रधानमन्त्री बन्ने योजना साथ फैसला गरेको आरोप पनि लगाए ।

उनले भने “आज सर्वोच्च अदालतले फैसला गर्यो रे नेकपा एमालेले व्हीप जारी गर्न पाउँदैन । नेकपा एमालेले व्हीप उंलघन गर्ने सांसदहरुलाई कारवाही गर्न पाउदैन । सर्वोच्च अदालतले आज आफुलाई कुनै पार्टीको घोषणा गर्न खोजेको हो ? म चोलेन्द्र समशेर लाई चुनौति दिन चाहन्छु । नेकपा एमालेमा आउनुहोस् तपाईं एमालेको नेता बन्ने रहर छ भने । एमालेलाई हराउने रहर छ भने कांग्रेस प्रवेश गरेर आउनुहोस् । नयाँ दल गठन गरेर आउने कुरा त तपाईंका बाउ बाजेले नसकेको कुरा तपाईले सक्नुहुन्न ।

‘तपाईं अहिले देउवालाई प्रधानमन्त्री बनाउने, विश्वासको मत नदिएर देउवालाई ढाल्ने अनि ६ महिना पछाडि नयाँ स्वरुप ग्रहण गरेर तपाई प्रधानमन्त्री बन्ने डिजाईनका साथ यो फैसला गर्न तपाई तयार हुनुभयो, हामी यो फैसलालाई कुनै मानेमा स्वीकार गर्दैनौ, अब मुलुक द्धन्द्धमा प्रवेश गरेको छ, सर्वौच्च अदालतको फैसलाले राजनीतिक मुद्दा समाधान गर्ने, राजनीतिक द्धन्द्धलाई समाधान गर्ने, राजनीतिक मुद्दा व्युँताउने र द्धन्द्ध जगाउने फैसला आम जनताले मान्नेवाला छैनन् ।’

२०५२ साल देखि नै नेपालको राजनीतिक द्धन्द्धमा फसेको , सांसद किनबेच सुरु भएको भन्दै उनले अदालतको सोमबारको फैसलाले फेरी राजनीति द्धन्द्ध, विकृति विसंगतीमा फसाएको दाबी गरे । नेकपा एमालेका २३ जना सांसदको आडमा निरंकुश र बैदेशिक क्रिया प्रतिक्रियावादीहरुको षडयन्त्रमा अदालतको फैसला आएको दाबी पनि उनले गरे । शेर बहादुर देउवासंग १ सय २१ भन्दा बढी भोट नभएको भन्दै १ सय ३६ भोट चाहिनेमा १ सय २१ भोट भएका शेरबहादुर देउवालाई प्रधानमन्त्री बनाएर सर्वोच्चले कार्यपालिका र व्यवस्थापिकाको, संबैधानिक निकायहरुको अधिकार उपयोग गर्न खोजेको आरोप पनि उनले लगाए ।

उनले भने, “चोलेन्द्र शम्शेरजी, जहानीया राणा शासन सकियो । तपाईंको थर राणा हो । तपाईंमा देखिएको यो जहाँनिया शैली अब नेपाली जनताले प्रतिकार गर्छन् । अब तपाईं फेरि अर्को चुनावी सरकार अबनाएर प्रधानमन्त्री बन्ने सपना देख्नुभएको छ भने तपाईंको सपना नजन्मदै तुहिने छ ।”

उनले निरंकुशहरु, लोकतन्त्र विरोधी शक्तिहरु, अधिनायवादी शक्तिहरु अन्तराष्ट्रिय सेटिङमा सर्वोच्च अदालतलाई आज घाँस खुवाएर फैसला गराएको आरोप लगाए । संबैधानिक इजलाश गठन हुने बेलादेखि नै आफुहरुलाई शंका लागेको भन्दै उनले अदालतको फैसला प्रधानन्यायाधाीशले गरेको नभई अधिवक्ताहरु रमण श्रेष्ठ र शम्भु थापाको भएको जिकिर गरे ।

उनले भने- ‘रमण श्रेष्ठ र शम्भु थापाहरुको संबैधानिक इजलासले गरेको फैसला हो, यो चोलेन्द्र शम्शेरले गरेको फैसला होइन, एउटा भनाई छ, कांक्रो चोरेर चोरले आफु खान्छ अनि वियाँ साथीको मुख तिर दल्दिएर भन्छ काक्रो उसले चोरेर खायो, निरंकुशहरु, लोकतन्त्र विरोधी शक्तिहरु, अधिनायवादी शक्तिहरु अन्तराष्ट्रिय सेटिङमासर्वोच्च अदालतलाई आज घाँस खुवाएर जुन फैसला गरेका छन् । उनीहरुले नयाँ खिलराज रेग्मी जन्माउने डिजाईनका साथ यो फैसला आएको छ ।’

नेपालको कम्युनिष्ट आन्दोलनमाथि हमला हुने परिस्थिति श्रृजना भएको बताउ । उनले मैदानमा नेकपा एमाले हेभी वेट भएर बसेकाले अन्य दलहरु निर्वाचनमा जान डराएको र मुलुक निर्दलियतातिर जान खोजेको बताए ।

सम्बन्धित शिषर्कहरु

च्याउ मेला पुस १५ गते हुने, च्याउका परिकार निशुल्क पाइने

मोतिहारी-अमलेखगञ्ज पेट्रोलियम पाइपलाइनबाट आयात सुरु, ढुवानी भाडा बच्ने

त्रिभुवन विश्वविद्यालयबाट १४ हजार विद्यार्थी दीक्षित (तस्बिरहरू)

४० मेगावाटको राहुघाटको प्रगति ७२ प्रतिशत, ४ वटा टावर र प्रसारण लाइन पनि बने

कानुन संशोधनमा ढिलाइ हुँदा ‘बजेट क्यालेण्डर’ बिग्रियो

सिचुवानको जहाज र उराठिलो माछापुछ्रे