काठमाडौं । काठमाडौं उपत्यकाका तीन प्रमुख जिल्ला अधिकारी (सीडीओ)हरुले साउन १ गतेदेखि लामो दूरीका यातायात सञ्चालन गर्न अनुमति दिने तयारी गरेका छन् । काठमाडौं, ललितपुर र भक्तपूरका प्रमुख जिल्ला अधिकारीहरुले साउन १ गतेदेखि लामो दूरीका सार्वजनिक सवारी साधन सञ्चालन गर्न दिने तयारी थालेका हुन् ।

निषेधाज्ञाबारे निर्णय गर्नको लागि भोलि साँझ तीन जिल्लाका सीडीओहरुको बैठक बस्दैछ । जिल्ला प्रशासन कार्यालय काठमाडौं, भक्तपुर र ललितपुरका प्रमुख अधिकारीहरूले लामो दूरीमा दुई महिनाभन्दा बढी समयदेखि रोकिएको यातायात सेवा सञ्चालन गर्न दिने तयारी थालेका हन् ।

ललितपुरका प्रमुख जिल्ला अधिकारी ढुण्डीप्रसाद निरौलाले लामो दूरीको यातायात सञ्चालन नहुँदा सर्वसाधारण मारमा परेकाले सञ्चालन गर्न दिनेबारे तयारी भइरहेको बताए । उनका अनुसार अब साउन १ गतेदेखि लामो दूरीका सवारी साधनहरु सञ्चालन हुनेछन् ।

‘दुई महिनाभन्दा बढी समयदेखि लामो दूरीमा सवारी चलेका छैनन्, यसले सर्वसाधारण नागरिकलाई समस्या भइरहेको छ,हामीले पनि खोल्ने कि भनेर तयारी गरिरहेका छौं, थप निर्णयका लागि भोलि बैठक बस्दैछौं,’ उनले भने ।

उनका अनुसार लामो दूरीका सवारी साधन सञ्चालनको निर्णय गरेमा ५० प्रतिशत यात्रु राखेर सञ्चालन गर्न दिइनेछ । उपत्यकामा जारी निषेधाज्ञा ३१ गते बिहिबार सकिँदैछ । गत बैशाख १६ गतेदेखि काठमाडौ उपत्यकामा निषधाज्ञा जारी छ । विभिन्न समयमा निषेधाज्ञालाई खुकुलो पारिँदै लगिएको छ ।

सम्बन्धित शिषर्कहरु

उपत्यकाभित्र ‘नो हर्ज प्लिज’ अभियान फेरि लागू गरिने

चालु आर्थिक वर्ष सुरु भएयता हालसम्म बने १२ पुल, ६५५ वटा निर्माण गर्ने लक्ष्य

वीरमा खानेपानी समस्या समाधान, ट्याङ्करलाई तिर्ने मासिक १० लाख जोगिने

२५ करोड पूँजी भएका कम्पनीहरू अब एसएमईज प्लेटफर्ममा, ५ सय कित्ता आईपीओ भर्नैपर्ने

सुधारिएन घरजग्गाको कारोबार, राजस्वमा भने वृद्धि

सत्कार दिवस २०२५ सम्पन्न