फाइल फाेटाे

काठमाडौं । सरकारले काठमाडौं–नयाँदिल्ली रुटमा उडान संख्या विस्तार गरेको छ । यसअघि दैनिक २ उडान हुँदै आएको नयाँदिल्लीमा सरकारले उडान थप गर्दै सातामा ६ उडान बनाएको हो । सोमबारदेखि उक्त गन्तव्यमा बिहीबारबाहेक दैनिक एक/एक उडान हुनेछन ।

एयरबबल अवधारण अनुसार गत पुसदेखि दैनिक एक/एक उडान हुँदै आएको थियो । नेपाल नागरिक उडड्यन प्राधिकरण (क्यान) ले साउन १५ गतेसम्म सातामा ६ वटा उडान संख्या तोकेको हो । उक्त उडानमा नेपाल वायुसेवा निगम र एयर इन्डियाले ३/३ उडान हुनेछ ।

सिमित संख्यामा मात्र उडान हुँदा वायुसेवा कम्पनीले चर्काे भाडादर लिएको भन्दै यात्रुले गुनासो गर्दै आएका थिए । कोरोना महामारी अघि १२ हजार रुपैयाँ भाडादर रहेको उक्त गन्तव्यमा पछिल्लो समय ५० हजारभन्दा बढी भाडा लिईएको थियो ।

नेपाल वायुसेवा निगम र एयर इन्डियाको एकाधिकार र सिमित उडान हुँदा दुई सरकारी वायुसेवा कम्पनीले चर्काे शुल्क लिदैँ आएका थिए । उडान संख्या विस्तार भएसगैँ भाडादर घट्ने अनुमान गरिएको छ ।

२०७६ चैतदेखि बन्द भएको उक्त गन्तव्यमा ०७७ पुसबाट मात्रै एयरबबल अवधारणा अन्तर्गत उडान सञ्चालनमा ल्याइएको थियो ।

सम्बन्धित शिषर्कहरु

विद्युत प्राधिकरणले ८ मेगावाट बिजुली नदिँदा हेटौँडा सिमेन्टको उत्पादन ३ महिनादेखि बन्द

२८ हजार मेगावाटका लागि ६५ खर्ब लगानी, ४० खर्ब स्वदेशमै रहने

सीबीफीनको अध्यक्षमा उपेन्द्र पौड्याल दोहोरिए, यस्तो बन्यो नयाँ कार्यसमिति

बीमा कम्पनीको सीईओ नियुक्तिका लागि प्राधिकरण धाइराख्नु नपर्ने

मुक्तिनाथ विकास बैंक १९ औं वर्षमा प्रवेश

भक्तपुर इँटा उद्योग व्यवसायी संघको अध्यक्षमा ह्योम्वा निर्वाचित