काठमाडाै‌ । नेकपा एमालेका वरिष्ठ नेता (माधव नेपाल पक्ष) का सांसदको बैठक सकिएको छ । बैठकले पछिल्लो राजनीतिक घटनाक्रमबारे छलफल गरेको हो ।

मंगलवार नयाँ बानेश्वरस्थित अर्याल होटलमा बसेको बैठकले समसामयिक विषयका साथै आफ्नो पार्टीमा कसरी सांसदको संख्या बढाउने भन्ने विषयमा छलफल गरेको नेपाल पक्षका सांसद विरोध खतिवडाले जानकारी दिए ।

‘हामी संवैधानिक बाटोमा हिँडेकोले हाम्रो संख्या बढ्नेछ । हामी विधिसम्मत बाटोमा हिँडेका छौँ, हामीले उठाएका माग र मुद्दा स्थापित भइरहेका छन्, केपीजीले आफ्नो गलत प्रवृत्तिमा सुधार नल्याएसम्म विवाद रहन्छ’, उनले भने ।

उनका अनुसार अहिले चलाइएका प्रपोगाण्डा मिडिया खपथको लागि भएको र एमाले केन्द्रीय समिति बैठकले २२ जनालाई २४ घण्टे स्पष्टिकरणको पत्र अहिलेसम्म कसैले पनि पाएका छैनन् ।
त्यस्तै माधव नेपाल पक्षकी अर्की सांसद रामकुमारी झाँक्रीले आजको बैठकमा प्रतिनिधि सभाको विघटनदेखि पुनस्र्थापनासम्मको भूमिकाबारे छलफल भएको बताईन । उनले अबको आफ्नो भूमिका के हुन्छ भन्ने बारेमा पनि बैठकमा छलफल भएको जानकारी दिईन ।

‘सरकारमा जाने कुरा हाम्रो एजेण्डा थिएन । हाम्रो पार्टी अपोजिशन भएकोले सरकारमा जाँदैनौँ ।’ गत वर्षको फागुन २२ गतेदेखि जारी एमालेको पार्टी विवाद अहिलेसम्म जारी छ ।

सम्बन्धित शिषर्कहरु

ग्लोकल स्किल हिरो अवार्ड- २०२५ सम्पन्न, गायक केसीलगायत ४ जना सम्मानित

आठौं संस्करणको विराट एक्स्पोमा व्यावसायिक सहकार्यका लागि विराट बजार बीटुबी पेभिलियनको व्यवस्था

पुछारसिटमा गुन्जिइन् केशु शर्मा

घले जातिलाई आदिवासीमा सूचीकृत गर्न आवश्यक छ : प्रमुख दाहाल

२०२४ मा फक्सवागनको बिक्रीमा गिरावट

सपना अधूरै छाडेर अस्ताए चुङ्बा