काठमाडौं । लामो दूरीका सार्वजनिक यातायात सञ्चालनका लागि सहजीकरण गर्न गृह मन्त्रालयले परिपत्र गरेको छ । मन्त्रालयले मंगलबार ७७ वटै जिल्ला प्रशासन र प्रहरी प्रधान कार्यालय नक्साललाई पत्र पठाउदै सहजीकरण गर्न निर्देशन दिएको हो ।

गृहका शाखा अधिकृत रामबहादुर केसीले हस्ताक्षर गरेर पठाएको पत्रपरिपत्रमा त्रिभुवन विश्वविद्यालय तथा लोक सेवा आयोगलगायत निकायबाट परीक्षा कार्यक्रम सार्वजनिक भएकोले देशका विभिन्न भागबाट परीक्षार्थीहरूको आवागमन समेतलाई ध्यानमा राखेर जनस्वास्थ्यका मादपण्डको पूर्ण पालना गरेर मध्यम र लामो दुरीका सार्वजनिक यातायात सञ्चालनमा सहजीकरण गर्न भनिएको छ ।

साउन ४ मा बसेको मन्त्रिपरिषद बैठकबाट सार्वजनिक यातायात सञ्चालनका लागि आवश्यक निर्णय भएको उक्त पत्रमा उल्लेख छ ।

दोस्रो लहरको कोभिड–१९ संक्रमणलाई ध्यानमा राख्दै गत बैशाख १६ गतेबाट लामो दुरीका सार्वजनिक सवारी साधन सञ्चालनमा रोक लगाईएको थियो । यसअघि नै काठमाडौं उपत्यकाका तीन जिल्ला (काठमाडौं, ललितपुर र भक्तपुर) का प्रमुख जिल्ला अधिकारीले उपत्यका भित्र सार्वजनिक सवारी सञ्चालनको अनुमति दिइसकेका छन् ।

उपत्यकाका तीन जिल्लामा साउन १० गतेसम्म निषेधात्रा जारी रहेको छ ।

सम्बन्धित शिषर्कहरु

अपांगमैत्री आकाशे पुल निर्माणमा आक्रामक बन्दै ललितपुर महानगर, कहाँ-कहाँ बन्दैछन् ?

५ अंकले बढेको सेयर बजारमा ४ अर्ब बढीको कारोबार

३५ हजार फिटको उचाइमा हवाइजहाजको वाईफाईले कसरी गर्छ काम ?

एमालेको केन्द्रीय कमिटी बैठक देशभक्त र प्रगतिशील एकजुट भएकाले प्रतिक्रियावादी शक्ति आतङ्कित भएका छन् : प्रधानमन्त्री

ट्रम्पको शपथ ग्रहणका लागि चन्दा दिन ठूला कम्पनीबीच प्रतिस्पर्धा, कसले कति दिए ?

ग्यास चुहिएर दुर्घटना हुँदा वृद्धाको मृत्यु