हिमालयन रिको संचालक समिति

काठमाडौं । संचालनमा आउन लागेको हिमालयन रिइन्स्यारेन्स कम्पनीले उच्च व्यवस्थापनको ३ जना विदेशी नागरिक ल्याउन लागेको छ । कम्पनीले ल्याउन लागेको ३ जना उच्च व्यवस्थापनका अधिकारीको श्रम स्वीकृति बीमा समितिमा पत्राचार गरेको छ ।

हिमालयन रिइन्स्योरेन्स कम्पनीले प्रमुख कार्यकारी अधिकृत (सीईओ) मा आर चन्द्रशेखरनलाई ल्याउन खोजेको छ । चन्द्रसेखरन भारतको ख्यातिप्राप्त कम्पनी जनरल इन्स्योरेन्स कर्पाेरेसन (जीआईसी) र ओमानको पुनर्बीमा कम्पनी ओमान रिमा पनि काम गरिसकेका व्यक्ति हुन् । बीमा बजारमा उनको ४५ वर्षभन्दा लामो अवधिको अनुभव रहेको बताइएको छ ।

यस्तै, हिमालयन रिले डेपुटी सीईओमा मुकेश कुमार कपुरलाई ल्याउन खोजेको छ । कपुर ओरेन्टल इन्स्योरेन्स कम्पनीको पुनर्बीमा विभागमा काम गरेर अवकाश पाएका व्यक्ति हुन् । कपुरले नेपालमा रहेको ओरेन्टल इन्स्यारेन्स कम्पनी करिब ८ वर्ष काम गरेका थिए ।

कम्पनीले सुचना प्रविधि विज्ञ पनि विदेशी नागरिक ल्याउन लागेको छ । एलआईसी इन्डिया कम्पनीको आईटी विभागमा लामो समय काम गरेका मनिष कुमारलाई हिमालयन रिइन्स्यारेन्स कम्पनीले ल्याउन खोजेको छ ।

यी तीनै जना भारतीय नागरिक हुन् । कम्पनीको उच्च व्यवस्थापनको नेतृत्व दिनको लागि हिमालयन रिले बीमा समितिमा श्रम स्वीकृतिको लागि पत्र पठाएको समिति स्रोतले जानकारी दियो ।

‘हिमालयन रिले सीईओ सहित उच्च व्यवस्थापन तहमा रहने ३ जनाको श्रम स्वीकृतिको लागि हामीलाई पत्र पठाएको छ, हामीले तीन जनाकै नाम उल्लेख गरेर अर्थमन्त्रालय पठाएका छौं, अर्थले श्रम मन्त्रालयमा पत्र पठाएपछि स्वीकृति पाउने नपाउने यकिन हुन्छ,’ समिति स्रोतले भन्यो ।

सम्बन्धित समाचार

हिमालयन रिले असारभित्रै कारोबार सुरु गर्ने, विदेशी सीईओ खोजिँदै

सम्बन्धित शिषर्कहरु

नेपाल मुद्रा विप्रेषक संघ नेतृत्वमा रितेश मित्तल

सलिकोको दुई दिने कर्मचारी अभिवृद्धि तालिम सम्पन्न

सिटिजन लाइफले नेपालभर आयोजना गर्‍यो सम्पत्ति शुद्धीकरण निवारण तालीम

अपांगमैत्री आकाशे पुल निर्माणमा आक्रामक बन्दै ललितपुर महानगर, कहाँ-कहाँ बन्दैछन् ?

डेढ अर्ब कमाउने कसमस सिमेन्टको व्यापार २६ करोडमा झर्‍यो, अरू उद्योग पनि हायलकायल

अटो उद्योगको निद्रा बिथोल्ने बीवाईडी, जसको रोकिने नामोनिशान छैन