अर्थमन्त्री शर्माले अमेरिकी राजदुतसँग भने: थप खाेपकाे आशा गरेका छाैं

२०७८ साउन १२ गते १६:४७ विकासन्युज

काठमाडौं । अर्थमन्त्री जनार्दन शर्माले नेपाल सरकारको पहिलो प्राथमिकता कोरोना विरुद्धको खोप भएको बताएका छन् । मंगलबार नेपालका लागि अमेरिकी राजदुत ¥यान्डी बेरीसँग मन्त्रालयमा भएको शिष्टाचार भेटमा उनले सो कुरा बताएका हुन ।

मन्त्री शर्माले कोभिड विरुद्धको खोप नेपालको पहिलो प्राथमिकताको विषय भएको भन्दै त्यसको आपूर्तिमा अमेरिकी सरकारबाट थप सहयोग र सहजीकरण हुने विश्वास व्यक्त गरे ।

उनले भूकम्पछिको उद्धार र कोभिड महामारीको समयमा प्राप्त भएको अमेरिकी सहयोग अविश्मरणीय रहेको भन्दै सरकारको तर्फबाट धन्यवाद ज्ञापन गरेका थिए । मन्त्री शर्माले अमेरिकी सरकारको सहयोगमा नेपालमा संचालित परियोजनाहरुको कार्यन्वयनमा अनुगमन गरी तदारुकता दिन सरकारले ध्यान पु¥याउने प्रतिवद्धता व्यक्त गरेका थिए ।

भेटको क्रममा राजदुत बेरीले कोभिड विरुद्धको लडाईंमा अमेरिका नेपालको साथमा रहेको जनाएका थिए । विगत ७० वर्षदेखि अमेरिकाले नेपालको स्वास्थ्य र शिक्षाको क्षेत्रमा सहयोग गर्दै आएको प्रसंग उल्लेख गर्दै उनले आगामी दिनमा पनि यसलाई निरन्तरता दिने प्रतिवद्धता जनाए ।

कोभिड विरुद्धको खोप अभियानमा सघाउन अमेरिकाले १५ लाख डोज खोप प्रदान गरेको र आगामी दिनमा पनि आवश्यक सहयोग गर्नेतर्फ सकारात्मक रहेको उनको भनाई थियो ।

अर्थमन्त्री शर्माले अमेरिकी राजदुतसँग भने: थप खाेपकाे आशा गरेका छाैं