२०७८ साउन १९ गते १२:०१ विकासन्युज
काठमाडौं । म्याद सकिएका कस्मेटीक सामग्रीमा नयाँ मिति राखेर (रिलेबलिङ) पुनः बिक्री गर्ने २ जनालाई प्रक्राउ गरिएको छ । वाणिज्य आपूर्ति तथा उपभोक्ता संरक्षण विभाग र नेपाल प्रहरीको संयुक्र टोलीले भारतीय नागरिक सहित एक नेपालीलाई प्रक्राउ गरेको हो ।
आईतबार गोप्य सूचनाका आधारमा सानो भ¥याङमा रहेको समिट कमर्सियल प्रालिमा छापा मारेको थियो । उक्त कम्पनीमा म्याद समाप्त भएका कस्मेटिक तथा सवारी साधन सफा गर्न प्रयोग हुने वस्तुहरूमा नयाँ लेबल लगाई विक्री वितरण गरेको भेटिएपछि गोदाममा शिलबन्दी गरिएको थियो ।
कम्पनीमा शिलबन्दी गरेर दुई जना सञ्चालक अविनास अग्रवाल र महावीर गुजार (भारतीय नागरिक) लाई प्रक्राउ गरेर आवश्यक अनुसन्धान सुरु गरिएको विभागका प्रवक्ता शिवराज सेढाईले जानकारी दिए ।
उनका अनुसार उनीहरुले भारत लगायतका देशबाट उक्त सामग्री आयात गरी खुद्रा तथा होलसेललाई बिक्री वितरण गर्ने गरेका थिए । उनीहरुले म्याद सकिएका वस्तु कहिलेदेखि पुनः नयाँ मिति राखेर बिक्री गरे, बिक्रीको अन्य व्यक्तिको सहभागीता लगायतका विषयमा अनुसन्धान भइरहेको जनाईएको छ ।
यसअघि गत असोजमा रेलेबलिङमा सम्लंन गिरोहलाई प्रक्राउ गरेर कैद सजाय समेत तोेकिएको थियो । उपभोग्य मिति समाप्त भएका खाद्य वस्तुमा पुनः नयाँ मिति राख्दै गर्दा पक्राउ परेकालाई एक वर्ष कैद सहित आर्थिक जरिवाना गरेको थियो ।
बजारमा म्याद सकिएका खाद्य वस्तुसंकलन गर्ने र विभिन्न स्थानमा घर भाडामा लिएर पुनः नयाँ म्याद राख्दै गर्दा पक्राउ गरिएको थियो । उक्त समयमा रिलेबलिङमा देशकै ठूलो व्यापारीक घरानाका व्यक्तिहरुको संग्लङ देखिएको थियो ।
Copyright © 2025 Bikash Media Pvt. Ltd.
