काठमाडौं । ललितपुर महानगरपालिकाले कोभिड १९ को संक्रमणबाट निधन भएका व्यक्तिको परिवारलाई एक लाख २० हजार रुपैयाँ सहयोग प्रदान गर्ने भएको छ । महानगरले एक सार्वजनिक सूचना प्रकाशन गर्दै उक्त सहयोग गर्ने जनाएको हो ।

सूचना अनुसार ललितपुर महानगरपालिका भित्र स्थायी बसोबास गर्ने व्यक्तिहरू कोभिड–१९ बाट संक्रमित भई उपचारको क्रममा निधन भएमा व्यक्तिको परिवारलाई महानगरपालिकाले सहयोग गर्ने निर्णय गरेको हो ।

त्यस्तै आइसियू तथा भेन्टिलेटरमा उपचार गरेर निको भएकाहरूलाई ६० हजार रुपैयाँ र अस्पताल भर्ना भएर कोभिड–१९ जितेकाहरूलाई ३० हजार रुपैयाँ प्रदान गरिने भएको छ ।

यसका साथै कोभिड संक्रमण मुक्त भई डिस्चार्ज भए पश्चात् कुनै कारणले मृत्यु भएमा ६० देखि ३० हजार रुपैयाँसम्म महानगरले रकम दिने पनि सूचनामा उल्लेख छ ।

महानगरपालिकाबाट सहयोग लिनका लागि सिफारिसपत्र लगायत आवश्यक कागजपत्र आवश्यक पर्ने पनि जनाइएको छ ।

सम्बन्धित शिषर्कहरु

नेपाल लाइफको वार्षिक साधारणसभा माघ २८ गते, बुक क्लोज कहिले ?

प्रभु बैंकमा ६ जना सञ्चालक निर्वाचित, नयाँ लगानीकर्ताले नयाँ सञ्चालक चुने

नेपाल प्रहरीका २५ एसपी एसएसपीमा बढुवाका लागि सिफारिस

यस वर्षको एसईई परीक्षा चैत ७ गतेदेखि हुने

राजस्व संकलन १३ प्रतिशतले वृद्धि, ६ महिनामा ५ खर्ब ५९ अर्ब उठ्यो

अमेरिकी डलरको भाउ हालसम्मकै उच्च विन्दुमा