काठमाडौं । काठमाडौं महानगरपालिकाले ‘एक शिक्षक, एक ल्यापटप’ अभियान थालेको छ । सो अभियान अन्तर्गत महानगरले वडा नं. २५ को कन्या मन्दिर माविका २७ जना शिक्षकलाई ल्यापटप वितरण गरेका हो ।

महानगरले प्रविधिमैत्री सिकाइका लागि ल्यापटप शिक्षकलाई वितरण गरेका छ । वडाध्यक्ष नीलकाजी शाक्य र नविन मानन्धर तथा महानगरका शिक्षा अधिकृत मोतीराज खनालले संयुक्त रुपमा ल्यापटप वितरण गरेका थिए ।

महानगरपालिकाले प्रविधिमैत्री सिकाइमा जोड दिंदै यस्तो अभियान थालेको वडा नं. १७ का अध्यक्ष नवीन मानन्धरले बताए । यो महानगरको प्रविधिमैत्री सिकाइका लागि पहिलो चरणकाे कार्यक्रम हो ।

शिक्षकलाई प्राविधिक ज्ञानका लागि महानगरपालिकाले तालिमको समेत प्रबन्ध गर्ने र अन्य विद्यालयहरूमा समेत क्रमशः ल्यापटप वितरण गरिने शिक्षा अधिकृत मोतीराज खनालले बताए । महानगरलाई यस्तो अभियान सञ्चालनका लागि राष्ट्रपति शैक्षिक सुधार कार्यक्रमको समेत सहयोग रहेको उनले बताए ।

कन्या मन्दिर स्कुलले भने यसअघि इजी एप्लिकेसनसमेत प्रयोगमा ल्याइसकेको छ । ल्यापटप राष्ट्रपति शैक्षिक सुधार कार्यक्रम, महानगरको केन्द्रीय बजेटबाट प्राप्त रकम र विद्यालयको आन्तरिक आयबाट प्राप्त रकमबाट खरिद भएका हुन् ।

ल्यापटप पाए पछि शिक्षिका गीताकुमारी अधिकारीले यसको पूरा उपयोग गर्ने र शिक्षण सिकाई प्रभावकारी बनाउने पनि बताइन् । महानगरले यसअघि वडा ६ को जनकल्याण माद्यामिक विद्यालय बौद्ध महाङ्कालका ३१ जना शिक्षकलाई ल्यापटप वितरण गरीसकेको छ ।

सम्बन्धित शिषर्कहरु

सामूहिक आलुखेतीमा किसानलाई प्रोत्साहन गर्दै चुलाचुली पालिका

हल्दिबारीमा ३३ किलोमिटर सडक कालोपत्र

९७ जना युवाको बैंकको ब्याज नगरपालिकाले तिर्दै, व्यवसायीलाई ब्याजको तनाव हट्यो

सोनु निगमको कन्सर्टबाट महानगरले हटायो मदिराजन्य विज्ञापन

नवौं संस्करणको ‘युवा वैज्ञानिक शिखर सम्मेलन’ २०२५ को तयारी अन्तिम चरणमा

७ वर्षदेखि तलबविहीन शिक्षक, बोरा बिछ्याएर पढ्छन् विद्यार्थी