काठमाडौं । सरकारी स्वामित्वमा सञ्चालित खाद्य व्यवस्था तथा व्यापार कम्पनी लिमिटेडले खरिद गरेको खसीबोका काठमाडौं आइपुगेको छ । पहिलो लटमा कम्पनीले ५ सय ३१ खसीबोका काठमाडौं भित्राएको हो ।

बिहीबार साँझ दाङ र हेटौंडाबाट ल्याईएको खसीबोका शुक्रबार बिहान ३ बजे काठमाडौं आइपुगेको कम्पनीका सूचना अधिकारी शर्मिला न्यौपानेले जानकारी दिईन ।

उनका अनुसार दाङबाट २२९ र हेटौंडाबाट ३०२ वटा खसीबोका काठमाडौं ल्याईएको हो । पहिलो लटका खसीबोका काठमाडौं आइपुगेपछि बाँकीपनि ल्याउने तयारी भएको छ ।

भोलीबाट बिक्री

कम्पनीले आज काठमाडौं आइपुगेको खसीबोका शनिबार बिहानबाट बिक्री सुरु गर्ने तयारी गरेको छ । खसीबोका काठमाडौं आइपुगेपनि मूल्य निर्धारण भने भएको छैन । आज कम्पनीले मूल्य निर्धारण गरेर शनिबारदेखि बिक्री वितरण गर्ने तयारी गरेको हो ।

यस वर्ष कम्पनीले बजार मूल्यभन्दा प्रतिकिलो १० रुपैयाँ सस्तोमा खसीबोका बिक्री गर्नेछ । बजारमा जिउँदो खसी बोकाको मूल्य ५५० देखि ७५० रुपैयाँसम्म छ ।

कम्पनीले यस वर्ष २ हजार खसीबोका बिक्री वितारण गर्ने जनाएको छ । गत वर्षको तुलनामा यस वर्ष जिउँदो खसीको मूल्य प्रतिकेजी १५ रुपैयाँसम्म बढेको कम्पनीले जनाएको छ ।

कम्पनीका अनुसार दाङमा २५ किलोदेखि माथिका खसीको मूल्य प्रतिकिलो ५ सय ६५, २० देखि २५ किलोका खसी किलोको ५ सय ५० र बोकाको ५ सय ४५ रुपैयाँ निर्धारण गरिएको छ ।

कम्पनीले जिल्लामा खरिद मूल्यमा ढुवानी भाडा, बजार मूल्य सबै जोडेर काठमाडौंमा खुद्रा बिक्री मूल्य निर्धारण गर्दै आएको छ ।

सम्बन्धित शिषर्कहरु

भक्तपुरका नेवार समुदायको आज म्हः पूजा, भोलि भाइटीका मनाउने

धनियाँ १०० रुपैयाँले घट्दा डल्लेच्याउ १३८ रुपैयाँले बढ्यो

दुई करोड १४ लाख राजस्व सङ्कलन

लक्ष्मीपूजाको दिन १६०२ मेगावाट विद्युतको माग, पिक समयमा २५३ मेगावाट भारत निर्यात

आज देशभर मौसम अनुकूल रहने, आगामी २४ घण्टामा कस्तो छ ?

निरन्तर स्थिर रह्यो अमेरिकी डलरको भाउ, यस्तो अन्य देशको मुद्राको मूल्य