भिभोको तीन नयाँ मोडलका मोबाइल सार्वजनिक

२०७८ चैत २७ गते १४:१६ विकासन्युज

काठमाडौं । भिभोले नयाँ वर्षको अवसरमा तीन नयाँ प्रडक्ट सार्वजनिक गर्ने भएको छ ।

नयाँ वर्षमा भिभोले तीन उत्कृष्ट मोडल भि २३ फाइभजी, वाई-३३ एस र वाई-०१ सार्वजनिक गरेको हो । भिभोले उक्त प्रडक्टहरू थप गुणस्तरीय र नवीन सुविधाहरूको साथ ल्याइएको जानकारी दिए

भिभोको वाई-३३ एस मा उत्कृष्ट ५० एमपी मुख्य क्यामेरा छ । अल्ट्रा–क्लियर शटहरू लिन तथा दिन र रातमा फोटोहरु खिच्न धेरै शुटिङ मोडहरू पनि यसमा छन् । फोनमा पाँच हजार एमएएचको ब्याट्री छ ।

पाँच हजार एमएएचको लामो समयसम्म टिक्ने ब्याट्री भएको वाई-०१ उत्कृष्ट स्मार्टफोन हो । वाई-०१ मा क्रिस्प र इमर्सिभ गेमिङ तथा कन्टेन्ट उपभोग अनुभवको लागि फोनमा ६.५१ इन्च एचडी डिस्प्ले छ

त्यस्तै, भि २३ फाइभजीको ५० एमपी अटोफोकस पोट्रेक्ट सेल्फी, ६४ एमपी सुपर–सेन्सिङ क्यामेरा र ८ एमपी सुपर वाइड–एंगल क्यामेराले डिजाइन र सुन्दरतामा नयाँ मापदण्डहरू कायम गरेको कम्पनीले जनाएको छ ।

भिभो भि २३ फाइभजीको मूल्य नेपाली बजारमा ५५ हजार ९९९ रुपैयाँ, वाई-३३ एसको मूल्य २९ हजार ९९९ र वाई-०१ को मूल्य १३ हजार ९९९ रुपैयाँ पर्ने भिभोले जनाएको छ ।

भिभोको तीन नयाँ मोडलका मोबाइल सार्वजनिक