काठमाडौं । सरकारले ढुंगा, गिट्टी, बालुवा उत्खनन्, बिक्री तथा व्यवस्थापन सम्बन्धी मापदण्ड, २०७७ लाई संशोधन गरेर उत्खननलाई थप सहज बनाएको छ । जेठ ६ गते बसेकाे मन्त्रिपरिषद बैठकले ढुंगा, गिट्टी बालुवा, उत्दखनन्, बिक्री तथा व्यवस्थापन सम्बन्धी मापदण्ड, २०७७ मा भएका प्रावधानमा पहिलोपटक संशोधन गरेर उत्खनन् तथा व्यवस्थापन कार्यलाई थप सहज बनाएको नयाँ व्यवस्थाले देखाएको छ ।

पुरानो मापदण्डमा क्रसर स्थापना गर्दा कायम भएको दुरीको मापदण्डलाई नयाँ संशोधनले आधा भन्दा धेरै कटौती गरेको छ । नयाँ मापदण्डले पहाडी क्षेत्रको राजमार्गको किनारामा २ सय मिटर, विद्यालय, धार्मिक क्षेत्र र पुरातात्विक क्षेत्रमा ५ सय मिटरमा नै क्रसर उद्योग सञ्चालन गर्न सकिने व्यवस्था गरेको छ ।

पुरानो मापदण्डमा क्रसर उद्योग सञ्चालनको लागि तराई र पहाडमा भिन्न–भिन्न व्यवस्था नरहेकोमा नयाँ मापदण्डमा भिन्न–भिन्न व्यवस्था गरिएको छ । तर, स्वीकृत खानी क्षेत्रमा भने मापदण्ड लागु नहुने भनिएको छ ।

मन्त्रिपरिषद् बैठकले मापदण्डमा गरेको नयाँ संशोधनले सार्वजनिक निजी साझेदारीमा खोलाको धारमा परिवर्तन नहुनेगरी माइनिङ गरेर ढुंगा, गिट्टी र बालुवाको उत्खनन् गर्न पाईने व्यवस्था गरेको छ ।

संशोधित मापदण्ड संघीय मामिला तथा सामान्य प्रशासन मन्त्रालयले स्थानीय तहहरुलाई परिपत्र गर्दै कार्यान्वयन गर्न भनेको छ ।

हेर्नुहोस क्रसर उद्योग सञ्चालनको लागि पुरानो मापदण्ड :

हेर्नुहोस क्रसर उद्योग सञ्चालनको लागि नयाँ मापदण्ड

सम्बन्धित शिषर्कहरु

श्रमिकको शुल्क तोक्नेदेखि हवाई भाडा घटाउन माग, महिला कामदार पठाउन अनुमति दिनुपर्ने

सिभिल सहकारीका १६ सय पीडितले सात अर्ब बचत मागे

९२ ब्रोकर कम्पनीले नवीकरण गरे सदस्यता

एकीकृत आन्तरिक लेखा परीक्षण प्रतिवेदन प्रस्तुत

कतार एयरवेजद्वारा गौतमबुद्ध विमानस्थलबाट सेवा सुरु

दोहोरो अंकले घट्यो सेयर बजार, ४ वटा कम्पनीको सेयर मूल्यमा सकारात्मक सर्किट