भालेश्वरमा भक्तहरूको भीड, साउने साेमबार चन्द्रागिरी केबलकारको टिकट २ सयमा [फोटोफिचर]
२०८० साउन १ गते २२:३८ विकासन्युज
काठमाडौं । चन्द्रागिरिस्थित भालेश्वर महादेव मन्दिरमा साउनको पहिलो सोमबार साँझ भव्यताका साथ सन्ध्या आरती सम्पन्न भएको छ । औंसी तिथी समेत परेकाे साउन महिनाको पहिलो सोमबार पारेर मन्दिरमा विशेष आरतीको आयोजना गरिएको हो ।
साउनको हरेक सोमबार साँझ चन्द्रागिरि हिल्स मन्दिर व्यवस्थापन समितिले यसैगरी भालेश्वर महादेवमा पूजासहित साँझमा विशेष सन्ध्या आरतीको आयोजना गर्ने चन्द्रागिरि हिल्स लिमिटेडका महाप्रबन्धक संजिव थापाले बताए ।
भालेश्वर महादेवमा साउन १ गते चन्द्रागिरि केबलकार चढेर हजारौँ श्रद्धालु पूजाका साथै साँझको आरतीमा सहभागी हुन पुगेका थिए । चर्चित पर्यटकीय गन्तव्य चन्द्रागिरि आन्तरिक तथा बाह्य पर्यटकको राेजाइकाे केन्द्र बनिरहेकाे छ ।
साउनको हरेक सोमबार साँझ ५ बजेपछि भालेश्वर महादेवमा दर्शन गर्न जाने भक्तजनहरूलाई केबलकारकाे शुल्क २ सय रुपैयाँ मात्रै लिइने चन्द्रागिरि हिल्सले बताएकाे छ । आन्तरिक तथा बाह्य पर्यटकलाई बढवा दिने उद्देश्यले भालेश्वर महादेवमा आरतीको आयोजना गरिएको थापाले बताए ।
सम्बन्धित शिषर्कहरु
लोकप्रिय
- एकैपटक ४ वटा कम्पनीबाट बाहिरिँदै एनआईसी एशिया बैंक, १०१ रुपैयाँमै सेयर बेच्दै
- नेप्सेमा ३ कम्पनीको बोनस सेयर सूचीकृत, कुनको कति ?
- गुरुङ, श्रेष्ठ र राणा मिलेर बनाउने होटलको निर्माण सुरु, दरबारमार्गमा यस्तो बन्दैछ २५ तले होटल
- सुनबाट सेयरमा फर्किए लगानीकर्ता, सुनको बजार थप सुस्त बन्ने विश्लेषण
- १० अर्ब लगानीमा पब्लिक कम्पनी स्थापना गरेका छौँ, मालिक बन्ने सुनौलो अवसर हो
फेसबुक
Copyright © 2024 Bikash Media Pvt. Ltd.