काठमाडौं । हिमालयन डिष्टिलरीले गत आर्थिक वर्षको चौथो त्रैमाससम्म ६६ करोड १ लाख रुपैयाँ खुद नाफा गरेको छ । अघिल्लो वर्षको सोही अवधिमा कम्पनीले १ अर्ब ५ करोड ६९ लाख रुपैयाँ खुद नाफा गरेको थियो । अघिल्लो वर्षको तुलनामा कम्पनीको नाफा ३७.५४ प्रतिशत घटेको हो ।

गत असारसम्म कम्पनीको बिक्री आम्दानी २५.४३ प्रतिशत घटेर ६ अर्ब ३८ करोड ९९ लाख रुपैयाँ गरेको छ । अघिल्लो वर्षको सोही अवधिमा कम्पनीले ८ अर्ब ५६ करोड ८८ लाख रुपैयाँ बिक्री आम्दानी गरेको थियो ।

पछिल्लो समय अर्थतन्त्रमा परेको समस्याले कम्पनीको व्यवासयमा असर परेको वित्तीय विवरणले देखाएको छ । साथै, सरकारले अन्तः शुल्क वृद्धि, तरलता संकुचन, कच्चा पदार्थको लागतमा वृद्धिले पनि कम्पनीको कारोबारमा असर गरेको देखिन्छ । यस्तै, बैंक तथा वित्तीय संस्थाको उच्च ब्याजदरको पनि प्रभाव परेको देखिन्छ ।

समीक्षा अवधिमा कम्पनीको चुक्ता पूँजी ६० प्रतिशत बढेर २ अर्ब ४२ करोड ९५ लाख रुपैयाँ र जगेडा कोष ३०.३८ प्रतिशत घटेर ९२ करोड ३३ लाख रुपैयाँ छ ।

कम्पनीको प्रतिसेयर आम्दानी ४२.४४ रुपैयाँ घटेर २७.१७ रुपेयाँमा झरेको छ । कम्पनीको प्रतिसेयर नेटवर्थ १३८ रुपैयाँ रहेको छ भने मूल्य आम्दानी अनुपात ८२.७४ गुणा रहेको छ।

सम्बन्धित शिषर्कहरु

महुली लघुवित्तले लाभांश नदिने

भारतको बीआईएस प्रमाणपत्र सरह नेपालले दिने गुणस्तर प्रमाणपत्रले मान्यता पाउनुपर्छ : निजी क्षेत्र

समता घरेलु लघुवित्तको लाभांश घोषणा, बोनस र नगद कति ?

एचएमपिभी साधारण रुघाखोकी गराउने भाइरस हो, आत्तिनु पर्दैन : स्वास्थ्य मन्त्रालय

यस्तो छ बिहीबारका लागि विदेशी मुद्राको विनिमय दर

सूचना सुरक्षा र डेटा गोपनीयताका लागि एनसेल पायो आइएसओ २७००१ र २७७०१ को मान्यता