काठमाडौं । चीनका पूर्वप्रधानमन्त्री ली खछ्याङको निधन भएको छ । चिनियाँ समाचार एजेन्सी सिन्ह्वाले लीलाई अक्टुबर २६ को दिन हृदयाघात भएको र अक्टुबर २७ मा निधन भएको जनाएको छ ।

६८ वर्षीय नेता लीले गत मार्च महिनामा प्रधानमन्त्रीको दोस्रो कार्यकाल पूरा गरेका थिए । राष्ट्रपति सी जिनफिङपछि सत्तारूढ कम्युनिस्ट पार्टी अफ चाइनाका दोस्रो वरियतामा रहेका ली चिनियाँ क्याबिनेटको स्टेट काउन्सिल प्रमुख समेत रहेका थिए ।