काठमाडौं । वर्षाले काठमाडौं उपत्यकाका खोला तथा नदीमा पानीको सतह बढ्न थालेपछि जल तथा मौसम विज्ञान विभाग, बाढी पूर्वानुमान महाशाखाले सतर्कता अपनाउन आग्रह गरेको छ । नदी तटीय क्षेत्रमा रहनेले विशेष सतर्कता अपनाउन महाशाखाकाे आग्रह छ।

धोबिखोला, विष्णुमतीलगायतका खोलामा पानीको सतह बढ्दो क्रममा रहेको बाढी पूर्वानुमान महाशाखाले जनाएको छ ।

महाशाखाका अनुसार कपन वर्षामापन केन्द्र र आसपास मध्यम वर्षा भएको छ । बुढानीलकण्ठ क्षेत्रमा एक घन्टामा २५.६ मिलिमिटर वर्षा हुँदा धोबिखोलामा जलसतह बढिरहेको महाशाखाले बताएकाे छ । महाशाखाले दिएकाे जानकारी अनुसार बुढानीलकण्ठ क्षेत्रमा पछिल्लो २४ घन्टामा ७९.४ मीमी वर्षा भएको छ ।

यस्तै, विष्णुमती खोला गोंगबु बसपार्क जलमापन केन्द्रमा पनि जलसतह बढ्दो क्रममा छ । पानीपोखरी क्षेत्रमा पछिल्लो २४ घन्टामा २१.८ मीमी पानी परेको महाशाखाले जनाएको छ ।

सम्बन्धित शिषर्कहरु

पहिराको जोखिम भएका परिवारलाई सुरक्षित स्थानान्तरण गर्न गृहमन्त्रीकाे निर्देशन

पृथ्वीराजमार्गको कल्भर्ड बाढीले बगायो, यातायात ठप्प

कालीगण्डकीमा बहाव बढेपछि सेतीवेणी र शालिग्राम शिला डुबानमा

मधेशमा चार दलका ६ मन्त्री बर्खास्त

पहिरोले म्याग्दीका प्रमुख सडक अवरुद्ध, झरीले पहिरो पन्छाउन समस्या

उपत्यकाका नदीमा बहाव बढेपछि उद्धार टोली तयारी अवस्थामा