काठमाडौं । आँखुखोला जलविद्युत कम्पनी लिमिटेडले १ः१.५ को अनुपातमा हकप्रद सेयर निष्कासनका लागि बुक क्लोजको मिति तोकेको छ ।

कम्पनीले हकप्रद निष्कासन गर्न आगामी साउन १ गते बुक क्लोज मिति तोकेको हो । कम्पनीलाई नेपाल धितोपत्र बोर्डले असार १९ गते हकप्रद निष्कासनका लागि अनुमति दिएको थियो ।

यसका आधारमा असार ३१ गतेसम्म नेप्सेमा कारोबार भई कायम सेयरधनीहरूले मात्रै कम्पनीले जारी गर्ने हकप्रदमा आवेदन दिन पाउनेछन् ।

कम्पनीले प्रतिकित्ता १०० रुपैयाँ अंकित मूल्यका दरले एक अर्ब २० करोड रुपैयाँ बराबरको १ करोड २० लाख कित्ता हकप्रद सेयर १ः१.५ को अनुपातमा निष्कासन तथा बिक्री खुला गर्न लागेको छ ।

कम्पनीले हकप्रद सेयर निष्कासन तथा बिक्री प्रबन्धकमा नबिल इन्भेष्टमेन्ट बैंकिङ लिमिटेडलाई नियुक्ति गरिसकेको छ ।

सम्बन्धित शिषर्कहरु

नेप्से परिसूचक २२ सय विन्दुमाथि, ७ अर्ब बढीको सेयर कारोबार

रिलायन्सको आईपीओ रोक्न अदालतको आदेश, दुवै पक्षलाई बोलायो

सूर्योदय वोमी लघुवित्तको एफपीओ साउन ४ गतेदेखि खुल्ने

डिम्याट खाता नवीकरण गर्न लक्ष्मी सनराइज क्यापिटलको आग्रह

सपोर्ट लघुवित्तको १३ प्रतिशत बोनस सेयर सेयरधनीको डिम्याट खातामा जम्मा

नेप्सेमा २३ अंकको वृद्धि, १९४ कम्पनीको सेयर मूल्य बढ्यो